Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 56
inguruan azaldu diren ikasgaiak eta kurtsoak, batez ere AEBetan. Gai honen inguruko
argitalpen zientifikoak asko ugaldu dira eta ezin ahaztu dezakegu hainbat fakultateko
ikerketa-proiektuetatik sortzen diren enpresa berrien kopurua. Beraz, gaur egun, eta
bereziki oinarri teknologikoko enpresak sortzerako orduan, kontuan edukitzeko
faktorea da (Peña 2003).
A5) Esperientzia
Ekintzaile arrakastatsuak enpresa bat sortu aurretik, akatsetan aberatsa den
prozesu praktiko batetik igaro behar du, hau da, benetako “ekintzaile-eskola” batetik:
“enpresa-funtzioaren jardutea arrakastatsua izan dadin, heziketa gogorra behar da,
unibertsitateetako negozio eskoletan ageri ez dena; soilik ekintzaile-eskolan aurki
dezakegu.” (Collins, Moore eta Unwalla 1964)
Era askotako esperientziak defini genitzake: esperientzia profesionala, enpresa-
zuzendaritzan esperientzia edo enpresa-sorketan esperientzia edukitzea besteak beste.
Ekintzaileak lan esperientziaren bitartez enpresa bat sortzeko behar diren
ezagutza zehatzak jasotzen ditu. Beraz, ezagutza horiek enpresa-sorketaren oinarri eta
nolabaiteko berme bihurtzen dira. Gehiengoak aurretik lan egindako sektorean sortzen
dituzte enpresa berriak. Hainbat ikerketa burutu da arlo honetan, Cooper (1973)
adibidez, eta honako baieztapenera iristen da gehiengoa: industria bateko langileak dira
enpresa industrial horien sortzaileak, eta ETEn langileak berriz, ETEn sortzaileak.
Ikerketa ezberdinek frogatu dute entrepreneurren %85ak aurretik esperientzia zuela
sektore berean (Lamont 1972, Susbauer1972). Gainera, esperientzia hau baliotsuagoa
dela ETE baten, enpresa aurkitzen den sektoreko heziketa jasotzea errazagoa baita, hala
nola enpresa-prozesu osoa bezalaxe (García Erquiagak 1991).
Beste esperientzia mota bat enpresa-zuzendari gisa lortzen dena da. Enpresa
sortzaileak inoiz enpresaren bat kudeatzeko ardura izan badu, gaitasun eta abilezia
zehatzak garatzeko aukera izan duela dudarik ez dago. Horiek oso lagungarriak gerta
dakizkioke enpresa berria kudeatzerako orduan. Merkatuaren ezagutza, bezero-
hornitzaile-banketxe eta erakunde publikoekin harremanak lantzea, enpresa barruko
hazkunde-prozesua antolatzea, marketing-finantza-estrategia eta giza baliabideen
inguruan azaltzen diren arazoak, etabar, ez zaizkio arrotz irudituko. Lehendik enpresa
baten ardura eduki izanak lagundu egin dezake, neurri baten, enpresa berria sortzeko
eta bereziki, kudeatzeko sortzaileak behar duten jakintasun-maila handitzen, edo
ezjakintasun-maila gutxitzen (Peña 2003).
Bioteknologia enpresak sortzeko eragile erabakigarriak Euskal Autonomia Erkidegoan