Enpresa bioteknologikoak sortzeko eragile erabakigarriak ... - Euskara

3. Kapitulua: Bioteknologia industriaren nazioarteko egoera 197
Arrisku kapitala enpresa mota hauen hasierako faseetara hobekien egokitzen den
finantza iturria den arren, heldutasun maila oso baxua du oraindik, nahiz eta azken
urteetan hazitzen ari den. Beraz, finantza iturrien garapena da bioteknologia industriaren
sarrera hesi aipagarriena.
Legedia bigarren sarrera hesi aipagarriena izango litzateke, jarduera
bioteknologikoek babes publiko garrantzitsua eskatzen baitute.
Berrikuntzan eta garapen ekonomikoan eragina duen elementu dinamizatzailea
da arrisku kapitala. Horrela, berrikuntza eta ikasketa bezalako osagai ezberdintzaileak
dituzten start-up-en finantzazio aukera hoberena da arrisku kapitala. EVCA 76 -k
argitaratutako galdeketa baten, arrisku kapitalaren bitartez hasierako faseetan
finantzazioa lortu duten enpresen gehiengoak adierazten du ez zirela existituko edo
garapen geldoagoa izango zutela arrisku kapitalaren bultzada izan ezean. (EVCA 2006)
Aurretik aipatu den bezala, arrisku kapitalak zuzendaritza jardueratan ere
laguntza eskaintzen du, baina ez du bilatzen enpresa hauen gaineko kontrola izatea,
nahiz eta existitzen diren kontrolatzeko tresna eragingarriak ondoren ikusiko den bezala.
Gainera, zuzendaritzan esperientzia eskaintzeaz gain, arrisku kapitalak beste finantza
iturrietara sarrera errazten du, sinesgarritasun handiagoa edukiaz gainontzekoen aurrean
eta bezero potentzial, bazkide estrategiko etabarrekin kontaktuak egitea ahalbideratuz
aldi berean.
Kontuan izan behar da bioteknologia enpresen finantza aldi kritikoena ez dela
hasierakoa baizik eta urte gutxi batzuk igarotzen direnean. Oinarrizko ikerketa aldia
osatzen denean eta proba fasean sartzean izaten da aldirik konplikatuena. Horrela,
arrisku kapitala finantza bitartekari garrantzitsua bezala garatu da, kapital ekarpenak
eginaz bioteknologia enpresei.
Bioteknologia enpresetako inbertitzaileak arrisku maila altuei egin behar diete
aurre. Lehenik eta behin, prozesu berritzaile zein kostu altuko prozesuak dituzten
enpresa sortu berriak direlako eta beste alde batetik sektorearen berezko arriskuak ere
existitzen direlako: heltze-periodo luzeagoak, komunikazio fluxu eraginkorrak egoteko
zailtasunak zientzialari eta inbertsoreen artean, produktu edota zerbitzuaren onarpenaren
gaineko ziurgabetasun altua, ekintzaile taldearen maila tekniko ona baina enpresa
kudeaketako espeientzia urria, etabar. Arrisku kapitalak normalean bi alderdi izaten ditu
kontuan ebaluazioa egiterako orduan: teknologiarekin zerikusia duen negozio aukera eta
ekintzaileen kudeaketa ahalmena. Arrisku kapitaleko kudeatzaile eta bio-ekintzaileen
76 The European Venture Capital Association, EVCA, Europako arrisku kapitaleko erakundea.
Bioteknologia enpresak sortzeko eragile erabakigarriak Euskal Autonomia Erkidegoan