Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 79
2.3 taula
EAEko ekintzaile potentzialak
% 2004 2005 2006
Ekintzaile Potentzialak 3’31 4’45 2’06
Iturria: GEM EAE 2006
2.4.3 GEMen parte hartzen duten herrialdeen nazioarteko konparaketa
Nazioarteko alderaketa egitea komenigarria da EAEko egoera zein den azaldu
ahal izateko, GEM proiketuan parte hartzen duten herrialdeen TEA adierazlearen
alderaketa egin da EAEren posizio erlatiboa finkatzeko. Jarduera ekintzailearen
nazioarteko azterketa herrialdeak hiru taldetan banatuz egingo da: EB barneko
herrialdeak, ELGEko herrialdeak eta ELGEtik kanpo dauden herrialdeak.
GEM proiektuan parte hartzen duten EB barneko herrialdeen artean Grezia
(%7’90), Txekiar Errepublika (%7’85) eta Irlanda (7,35) dira TEA indize altuena duten
herrialdeak. Aipagarria da Espaniaren indize aurrerakada positiboa, %7’27an kokatuz.
%28’6ko igoera batekin 2005eko datuekin alderatuz gero. EB barneko herrialdeetatik
jasotako datuekin bat egiten dute EAEkoek, EB barneko batazbestekoa 5’46koa delako.
Ondorio berberak atera daitezke konparaketa bera eginez gero Espaniako beste zenbait
erkidegoko datuekin: Valentzia %5’71; Kataluina %5,34; eta Madril %5’94.
ELGEko herrialdeen artean Australia da liderra (%11’96) eta Islandia (%11’26),
AEB (%10’03) eta Norbegiak (%9’14) gertutik jarraitzen diote. Beste muturrean
Japonia eta Belgika egongo lirateke %2’90 eta %2’73ko portzentajeekin hurrenez
hurren.
TEA indizea kontuan hartuz, ELGEtik kanpora dauden herrialde nagusienak
Peru (40’15), Kolonbia (%22’48), Filipinak (%20’44) eta Jamaika (%20’32) dira.
Jarduera ekintzailearen tasa altuak ez du zertan erlazio zuzena izan behar garapenarekin,
termino gordinetan behintzat. Kasu gehienetan lan merkatuan dagoen eskaintza
faltagatik ematen dira tasa hain altuak. Gainera, jarduera ekintzaile hauek ekonomian
duten inpaktu eta kalitatea ez da alderagarria herrialde aurretauetan aurki
ditzazkegunekin. Horregatik, kontuan hartu beharrekoa da aukeragatik edo beharragatik
gauzatzen den jarduera ekintzailea.
Bioteknologia enpresak sortzeko eragile erabakigarriak Euskal Autonomia Erkidegoan