Enpresa bioteknologikoak sortzeko eragile erabakigarriak ... - Euskara

4. Kapitulua: EAEko biozientzia enpresen sorrera XXI. mendean 220
4.4 taula
Biozientzia enpresa berrien sorrera (n=18)
Urtea 2000 2001 2002 2003 2004 2005
Kopurua 5 2 2 4 4 1
Iturria: Autorea
4.3.2 Ezagutza zientifiko-teknologikoa
Ezagutza zientifiko-teknologikoari dagokionez, datu aipagarria da osasun
sektoreko ekintzaileek alderdi honi ematen dioten garrantzia, zientzia eta teknologiak
pisu gehiago baitu osasun arloan.
Ezagutza zientzia eta teknologia terminoetan deskribatzen da, kontuan izanda
“zientzia gauzak nola funtzionatzen duten argitzean datza eta teknologia gauzak nola
egitean” (Sagarra 2001). Elkarrizketatutako ekintzaileen artean ezagutza zientifikoa
neurtu da, formakuntza akademikoaren arabera. Emaitzak honakoak izan dira:
- Tesi doktorala egindako bio-ekintzaileak: 10
- Goi-mailako unibertsitate-ikasketa dutenak: 7
- Unibertsitate ikasketarik gabekoak: 1
Horrela, elkarrizketaturiko 18 bio-ekintzaileen %56 doktorea da. Ekintzaile
hauen oinarri akademikoak zerikusi zuzena du biozientzien esparruarekin: biologia,
kimika, farmakologia, nekazal eta ingurugiro injenieritzak, etabar.
Biozientzia enpresen tamaina txikia denez gero, media ia 9 langilekoa da (n=18),
lehenengo urteetan kanpoko laguntza bilatu ohi dute ikerketa egiterako orduan.
Kudeaketa ekonomikorako profesionalak kontratatzeko aurrekonturik ez izatean
dedikazio altu eskaini behar diote enpresa kudeaketaari eta bestalde, instalakuntza eta
laborategiak azpikontratatzen dira unibertsitate eta zentro teknologikoetan, inbertsio
altuak eskatzen baitituzte hauek.
Oinarri teknologikoko sektorea da biozientzien esparrua. Lehiakortasuna modu
global baten ulertzen da eta oso dinamikoa da, I+G inbertsio altuak eskatzen ditu.
Beraz, jarrera ekintzailea bezain garrantzitsua da ezagutza zientifiko-teknologikoa. Bio-
ekintzaileak, enpresa, sektorea eta merkatua ezagutzeaz gain, beharrezkoa du alderdi
zientifikoa eta teknologikoa.
Bioteknologia enpresak sortzeko eragile erabakigarriak Euskal Autonomia Erkidegoan