Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 41
2. Ekintzailea produkzio-baliabideak (baliabide materialak,
finantzarioak eta giza-baliabideak), produkzio-erakunde bat eratzeko
asmoarekin, bildu eta konbinatzen dituen agentea da.
Cantillon eta Say izan ziren kontzeptua definitzen lehenak, eta aldi berean
termino honen kontzeptualizazioan Eskola Frantseseko autore azpimarragarrienak.
Eskola Frantsesa ez bezala, Eskola Ingelesak ez zion heldu ekintzaile
kontzeptuari. Ez zuen sakondu termino honetan eta literatura ingeleseko obretan ez zuen
presentziarik izan. Eskola Ingelesak ez zuen bereizketa egiten ekintzailea eta
kapitalistaren artean.
XIX. mende erdirarte ez zitzaion ekin polemika hau gainditzeari, garai hartan
hasi baitzen kapitalista eta ekintzailearen artean bereizketa egiten. Bereizketa,
enpresaren jabetza eta kudeaketaren espezializazioak eta finantza erakundeen garapenak
ekarri zuten. Horrela, garaiko ekonomista talde batek, ekintzaile arrakastatsuek
aurreikuspen gaitasuna, antolaketa eta kudeaketarako erraztasuna eta lidergorako
ezohiko gaitasun eta energia zutela baieztatu zuten (Chell, Haworth eta Brearly 1991).
Hitza bera erabili ez arren, klasikoek pertsona definitu zuten. Horrela Adam
Smith (1723-1790) ekonomilariak pertsona batek beste pertsona batzuei lana ematearen
zergatia galdetzen zuen. Bere ustez, pertsona batek beste pertsona batzuk kontratatuko
ditu, funtsean, etekinen bat lortu badezake soilik, bestela ez du ekintza hori aurrera
eramango. Etekin hau handiagoa izango da inbertsioa handitzen den heinean. Beraz,
etekina kapitala arriskatzearen emaitza da eta ez zuzendaritza funtzioak egitearena.
David Ricardo-k (1772-1823) pertsona batek produktu baten eskariaren arabera
inbertitzen edo desinbertitzen zuela azaldu zuen. Azpimarratuaz hori zela kapitalistaren
papera, eginbehar hau, ekonomian funtsezkoa zen, aktibitate ezberdinei baliabideak
izendatu behar baizitzaizkien (Hoselitz 1951).
John Stuart Mill (1806-1873) klasiko ingelesak erabili izan zuen pertsona bere
obretan. Kapital jabetzaren funtzioak eta ekintzailearen papera bereiztezin bezala
definitu zituen Mill-ek, aurreko klasikoak bezala. Mill-entzat ekintzailea izateko,
prozesu produktiborako ahalmen ez arruntaren beharra zegoen.
Walras izan zen kapitalista eta ekintzailea bereizi zituen lehen klasikoa, Ricardo-
rekin hasi eta Mill arte egon zen etapari amaiera emanez horrela. Walras-ek, lurra, lana
eta kapitalaren jabeez gain laugarren pertsonaia bat definitu zuen: ekintzailea. Honen
funtzioa lurra, lana eta kapitala alokairuan hartzea zen lehenbizi, ondoren lehengaiak
Bioteknologia enpresak sortzeko eragile erabakigarriak Euskal Autonomia Erkidegoan