Enpresa bioteknologikoak sortzeko eragile erabakigarriak ... - Euskara

3. Kapitulua: Bioteknologia industriaren nazioarteko egoera 166
Bioteknologia enpresa berritzaileen jarduera guztiak kontuan hartuz gero 1997
eta 2003 urteen bitartean bikoiztu egin dira lortutako diru-sarrerak. Baina
bioteknologian soilik egindako jarduerak kontuan hartuz gero edukitako sarrerak 2003.
urtean lau aldiz handiagoak dira, 823 milioi dolar izatetik 3,8 mila milioi dolar izatera
pasatuaz. Enpresa handiek egiten dute ekarpenik nagusiena, 3,8 mila milioi dolarretatik
%64 hain zuzen ere. Enpresa ertainek lorturiko sarrerak %24 diren bitartean enpresa
txikiena %12 da.
Baina enpresa guztiek ez dituzte diru-sarrerak izaten, 2003. urtean enpresen
%63ak izan zituzten bioteknologia jardueretatik eratorritako diru-sarrerak, 490
enpresetatik 308. Nahiz eta sarrerak dituzten enpresen kopurua igo egin den azken
urteetan, portzentajea jaitsi egin da apur bat, 2001. urtean enpresa bioteknologikoen
%67 baitziren. Jarduera guztiak kontuan hartuz gero, enpresen %79k nolabaiteko diru-
sarrerak ditu, hazi egin da portzentaje hau, 2001. urtean %77k onartu baitzuen diru-
sarrerak zituela
Irabaziak dituzten bioteknologia enpresa berritzaileen erdia giza-osasuneko
sektoreko enpresak dira (%47), %34 nekazaritza eta janari prozesaketa sektorekoak, %8
ingurugiro sektorekoak eta besteak %11.
Quebec, Ontario eta British Columbia probintzietako bioteknologia enpresa
berritzaileak irabazi totalen %86 bereganatzen dute 2003. urtean bioteknologia jarduerei
dagokionez eta jarduera guztiak kontuan hartuaz %81.
Enpresa txikiak sakonki aztertu gero ikus daiteke bioteknologiarekin zerikusia ez
duten jardueretatik etorritako irabaziak era nabarmen baten igo direla. 2001. urtean
bioteknologia jarduerartatik zetozen sarrerak %45 baziren, 2003. urtean %18ra jaitsi da
portzentaje hori. Bioteknologia produktuak edota prozesuak garapen bidean dauden
bitartean finantzazioa lortzeko erarik egokiena da jardueren dibertsifikazioa, eta argi eta
garbi ikusten da estrategia hori bereganatu dutela enpresa txikiek.
Giza-osasunean jarduten duten eta bioteknologia jardueren ondorioz diru-
sarrerak dituzten enpresen portzentajea (%55) gainontzeko sektoreetakoena baino
baxuagoa da batez ere erregulazio eta ziurtapen prozesuak luzeagoak baitira produktu
edota prozesu bat merkaturatzerako orduan.
Bioteknologia enpresak sortzeko eragile erabakigarriak Euskal Autonomia Erkidegoan