Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 52
ekintzaile gisa izendatuko ditugu, eufemismoak alde batera utziaz.”
(Veciana 1997)
Bestalde, ELGEk honakoa adierazten du ekintzailea definitzeko:
“Ekintzaileak merkatu ekonomiaren aldaketaren eta hazkuntzaren
agenteak dira eta ideia berritzaileen sorketa, barreiatze eta aplikazioak
bizkortu ditzakete. Ez dituzte soilik aukera ekonomiko errentagarriak
aurkitu eta identifikatzen baizik eta prest daude arriskuak hartzeko beraien
bihozkadak konprobatzeko helburuarekin.” (OECD 1998)
Beste batzuen ekarpena kontuan hartuz, ekintzaileak aukerak identifikatzen ditu,
beharrezko baliabideak bildu, ekintza plan praktiko bat inplementatu eta modu malgu
eta egoki baten ordainsaria jasotzen du (Stevenson, Salhman, Roberts eta Bhider 1999).
zuzen ere:
Honako definizioa erabili zuen GEMek 1999. urtean, sortu zen urtean, hain
“Merkatu berriak irekitzeko, produktu berriak diseinatzeko eta prozesu
berritzaileak garatzeko aukerak hauteman eta arriskuak bere gain hartzeko
gaitasuna duten pertsonak dira.” (GEM 1999)
Rodrigo Varela-k historian egon diren definizio eta interpretazioen azterketa
sakon bat egin eta gero, definizio eta interpretazioa hauetan ez dela berditasunik
jarraitzen ondorioztatzen du. Autore batzuek gizabanakoaren ezaugarrien arabera
osatzen baitute definizioa, beste batzuek prozesuaren arabera, beste batzuek garatzen
duten kudeaketaren arabera, beste batzuek erakusten duten kulturaren arabera eta
besteek aktore ekonomiko gisa. Hala ere, definizio hauetatik hainbat elementu komun
ateratzen ditu:
a) Aukeraren identifikazioa.
b) Aukera abian jartzean kreatibitatea eta berrikuntza.
c) Baliabideen izendapen eta lortzea.
d) Diseinu, muntaia eta operazioan parte-hartzea.
e) Finantza-balibideak, denbora eta ospe pertsonala arriskuan jartzea.
f) Energia, jakintza, denbora eta diruaren inbertsioa.
g) Diru etekin eta asebetetze pertsonalen terminoetan ordainsarien
bilaketa.
h) Aberastasun eta lanpostu sorrera.
Bioteknologia enpresak sortzeko eragile erabakigarriak Euskal Autonomia Erkidegoan