Enpresa bioteknologikoak sortzeko eragile erabakigarriak ... - Euskara

4. Kapitulua: EAEko biozientzia enpresen sorrera XXI. mendean 212
Enpresa hauen existentzia, eta batez ere, beraien indarguneak eta inguruan
sortutako merkatuen sakonerak, faktore erabakigarritzat jotzen dira lidergoa lortu nahi
izanez gero arlo honetan. Hirugarren kapituluan aztertu den moduan, AEBak dute
lidergo hori, Europaren posizioa jarraitzailea den heinean. Bi herrialdeetako esperientzia
eta azterketa konparatiboa kontuan hartuz, sektorearen garapenean positiboki eragiten
duten faktoreak zehazterako orduan adostasuna dago: ahalmen ikertzaile bikainak eta
modu egoki baten koordinatuak edukitzea nahitaezko baldintzak dira baina ez bakarrak,
finantzazioa, erregulazioa eta kultura, agertzen diren beste baldintzatzaile batzuk bitira
(Eusko Jaurlaritza 2003).
Testuinguru honetan, biozientzietan oinarria duen industria sortzeko eredu
egokitzat klusterren eredua hartzen da, non agente ezberdinak erlazio dinamiko zein
egonkorrak sortzen dituzten.
Bizitza-zientziak lehentasuna dute gaur egungo munduan, batez ere ekonomia
aberatsak, jasangarriak eta dinamikoak izan nahi dituzten herrialdeetan. Euskal
Autonomia Erkidegoan “BioBasque 2010 estrategia”ren inplementazioarekin, espainiar
estatuan garatu den lehen berariazko biozientzia-estrategia, aldaketaren katalizatzaile
izatea bilatzen da.
Bio-kluster baten sorketarako hastapenak ezarriak daude, kalitatedun ikerketa
oinarriarekin, berrikuntza sistema heldu baten laguntzaz, inbertsore eta aukera berrien
aurkikuntzan jarduten duen sektore pribatuarekin. Egonkortasun ekonomikoak, bioetika
giro egokiak eta konpromiso maila altuak hazkuntzarako ingurune lagungarriari
sendotasuna eman diote.
Horrela, BioBasque 2010 estrategiak emandako bultzadarekin eta klusterren
garapenean bildutako esperientziari, startup-ak eta spin-off-ak agertzeari eta enpresa
horiek lehendik zeudenekin harremanetan jartzeari esker, 60 enpresa baino gehiagok
osatutako bio-klusterra sortu ahal izan da.
EAE bioeskualde txiki baina indartsuan bihurtu da, nazioarteko programa, sare
eta erakundeetan parte hartuz, besteak beste, ERANET, Bioeskualdeen Europako
Kontseilua (CEBR 80 ) eta EuropaBio.
Bioeskualde honetan bat egiten dute komunitate zientifiko-teknologikoak,
enpresa sektoreak, inbertitzaileak eta garapenean laguntzen duten beste hainbat
80 Council of European Bioregions erakundea mundu mailako bioteknologia sektore lehiakorra garatzeko
helburuarekin sortu zen 2006. urtean FP6-aren barnean, 100 bazkide baino gehiago ditu, Biobask
Agentzia beraien artean.
Bioteknologia enpresak sortzeko eragile erabakigarriak Euskal Autonomia Erkidegoan