Enpresa bioteknologikoak sortzeko eragile erabakigarriak ... - Euskara

6. Kapitulua: Prozesu ekintzailea bioteknologia sektorean 285
6.3 EZAGUTZA ZIENTIFIKO-TEKNOLOGIKOA
Ezagutza zientifiko-teknologikoaren inguruko hausnarketak jasotzeko orduan,
ezagutza honek aukeraren identifikazioan eta enpresaren sorketan izan duen eragina
hartu dira kontuan.
Elkarrizketatutako ekintzaile gehienek faktore erabakigarritzat jotzen dute
ezagutza zientifikoak izatea, bioteknologia enpresa sortzeko beharrezkoa den aukera
identifikatzerako orduan:
“Unibertsitatean egiten genuenak ireki zizkigun ateak, bertan egiten
genuen ikerketa guztiz aplikatua zen eta horren ondorioz gizartera heltzen
zen ikerketa hori, baina parte konkretu batetara soilik. Orduan identifikatu
genuen aukera, enpresa sortuaz gizarte osoari eskaini ahal izateko gure
produktuak.” (Azucena Castro, Datagene, Kina Biotech eta OWL
Genomics, 2007-02-08)
Histocell bioteknologia enpresaren kasuan doktorego tesian egindako lana
erabakigarria izan zen aukeraren identifikazioan eta enpresa berriaren sorketan:
honetan:
“Ezagutza zientifikoak garrantzi handia izan zuen aukeraren
identifikazioan, eta batez ere doktorego tesian egindako lanak, zelulen
hazkuntzarako ikasitako teknika guztiak gaur egun enpresa jardueran
aplikatzen ditugulako. Ezagutza zientifiko horiek gabe ezinezkoa izango
litzatekeen idea hori izatea.” (Begoña Castro eta Maite del Olmo, Histocell,
2007-02-10)
Genetadi Biotech enpresako ekintzaileak antzeko ikuspuntua azaltzen du arlo
“Ezagutza zientifiko-teknologikoaren bitartez ekintzaileak zein
jarduera gauzatu behar den identifikatzeko ahalmena du, ezagutza horiek
gabe oso zaila da aukera identifikatzea. Bioteknologia enpresek oinarri
zientifikoa dute eta bertako langileek maila profesional altua. Ekintzaileak
ezagutza horiek ez baditu zientzialariak kontrata ditzazke. Orduan oso ondo
kudeatu dezakezu enpresa aditua izan gabe zientzian baina gainontzeko
jendearekin dependentzia sortzen da. Alderantziz, ideia originala
ekintzailearena denean eta alderdi zientifikoa kontrolpean duenenan,
pertsonala kontratatu dezake osagarritasuna aurkitzeko.” (Silvia Avila eta
Jose Luis Castrillo, Genetadi Biotech, 2007-06-18)
Bioteknologia enpresak sortzeko eragile erabakigarriak Euskal Autonomia Erkidegoan