Enpresa bioteknologikoak sortzeko eragile erabakigarriak ... - Euskara

3. Kapitulua: Bioteknologia industriaren nazioarteko egoera 173
Enpresa handien finantza-iturrien portzentajea eskuratzea ezinezkoa izan da
konfidentzialtasun arazoengatik. Hala ere, iturri horiek zeintzuk diren jakitea posible
izan da, fondo pribatuak, ohizko iturriak, kanadar arrisku-kapital eta gobernua direlarik.
Enpresa handiek ez dituzte erabili beste finantza iturri batzuk.
Kapitala lortzeko bioteknologia enpresa berritzaileek duten mugak aztertzeko
mailegu-emaileen iritzia ere hartu da kontuan (3.17 taula). Horrela, hiru arrazoi nagusi
topatu dira: merkatuaren egoerarengatik kapitalaren gabezia; produktu edo prozesu
bioteknologikoaren garapen falta; produktu edo prozesuaren konprobaketa eta
garapenaren falta. Hiru arrazoi hauek 2001. urtean ere azaltzen ziren garrantzitsuenak
bezala.
3.17 taula
Kapitala ez jasotzeko edo mugapen arrazoiak
Kapitala ez jasotzeko edo mugatzeko arrazoiak 2001 2003
Garapen falta produktuan edo prozesuan 42 68
Produktu linearen mugak bere osotasunean 13 17
Kudeaketa abilezien gabezia konkretuak 12 11
Kapitalaren gabezia merkatu egoerarengatik 78 96
Prod/Proz. Konprobaketa eta garapen falta 43 59
Garapen proiektuetan inbertsiorik ez 28 39
Beste arrazoi batzuk 26 33
Iturria: Statistics Canada
3.4.4 Pertsonak
Enplegua da sektore baten garapenaren adierazle garrantzitsuenetarikoa eta
puntu honetan aztertuko dugu zehatz-mehatz. Bioteknologiaren jarduerarekin
erantzunkizunen bat duten langileen kopurua hazi egin da %32 1997 eta 2003 bitartean.
Hala ere, langileen kopuru totala kontuan hartuz gero, bioteknologian erantzukizuna
duten langileen portzentajea jaitsi egin da.
Kontuan hartu behar da bioteknologia jardueretan kualifikazio altuko enplegua
erabili ohi dela. Horrela bioteknologiarekin zerikusia duten lanpostuen aztertzen
badugu, lanpostuen kualifikazioa maila altua agerian geratzen da (3.13 irudia). Ikerketa
Bioteknologia enpresak sortzeko eragile erabakigarriak Euskal Autonomia Erkidegoan