Enpresa bioteknologikoak sortzeko eragile erabakigarriak ... - Euskara

4. Kapitulua: EAEko biozientzia enpresen sorrera XXI. mendean 215
Iturria: BioBasque Agentzia
4.4 irudia
Enpresen jatorria EAEn
Biozientzia enpresa berriak sortzeko garaian jatorri pribatu eta akademikokoak
nagusitzen dira besteen gainetik (sortzen diren enpresen %75). Azpimarragarria da ere
teknologia zentroetatik sortu diren enpresen kopurua, %17ak bertan baitute jatorria.
Doktorego tesi honetako ikerketa enpirikoa gauzatzerako orduan bi fase
ezberdindu ditzazkegu. Lehen fasean biozientzia alorreko enpresen datuak bildu dira
eta bigarren fasean aldiz, enpresa bioteknologikoak (ELGE eta BioBasque Agentziaren
irizpideak jarraituz) soilik hartu dira kontuan, Euskadin dauden 20 enpresetatik 16
bisitatuz. Enpresa bioteknologikoen azterketa hurrengo kapituluan azalduko da.
Lehen fase honetan 18 enpresetako datuak jasotzeaz gain, bertako ekintzaileekin
izandako elkarrizketen emaitzak jasotzen dira eta EuropaBio erakundearen banaketa
sektoriala jarraituz gero ondorengo sailkapena edukiko genuke (4.5 irudia):
-Osasuna (Bioteknologia Gorria): EAEko sektore nabarmenena da, enpresen
erdia baino gehiago bertan kokatzen da (%61), hau da, 11 enpresa (n=18)
-Ingurumena (Bioteknologia zuria): azpisektore honetan enpresen %11 (2
enpresa) aurki dezakegu, bioteknologia industriala bezala ere ezagutzen da.
-Nekazaritza (Bioteknologia berdea): enpresen %6.
-Zerbitzuak: zerbitzuak eskaintzen dituzten enpresak %22 dira. Zerbitzuen
azpisektorea oso zabala da, ondoko zerbitzuak eskainiz: produktu bioteknologikoen
banaketa, ikerketa zerbitzuak (CRO 82 ), aholkularitza eta software informatikoa.
82 Mota honetako enpresak ondoko izena hartzen dute, Contract Research Organizations (CRO)
Bioteknologia enpresak sortzeko eragile erabakigarriak Euskal Autonomia Erkidegoan