Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 93
Teoria neoklasikoak erabiltzen duen marko analitikoan, berrikuntza aldagai
endogeno bezala kontsideratzen da oinarrian. Oreka puntua duen eredu estatikoan
oinarritzen da, non industria edo sektore bateko enpresak homogeneoak kontsideratzen
diren.
Eboluzio-eskolak aldiz, barne-prozesu eta kontzepzio homogeneoa baztertzen
ditu. Berrikuntza prozesu integratzaile gisa ikusten da eta ikastearen, ikertzearen eta
egokitzearen dinamikari garrantzi berezia ematen zaio, non enpresek estrategia eta
ezaugarri ezberdinak dituzten. Horrela, berrikuntza dinamika baten dagoen enpresa
agente ekonomiko eta zientifikoekin elkarerlazionatzen da.
Berrikuntzaren ikuspegi garaikideak eboluzio-eskolan oinarritzen dira batik bat
eta Freeman eta Nelson izan ziren pentsamendu korronte honen oinarriak ipini zituzten
autoreak.
2.6 BERRIKUNTZAREN OINARRIZKO DEFINIZIOA
Europako Batzordearen Berrikuntzaren Liburu Berdean (1995), berrikuntza
hitzak duen izaera bikoitza azpimarratzen da non prozesu bat izan daitekeen (helburu
bat lortzeko jarduera multzoa) edo emaitza bat (esfortzu konkretu bat aplikatzean
lorturiko outputak). Egoera honen aurrean gauza beraz mintzatu nahi duten bi
solaskideren artean doitasuneza inplikatu dezake.
Ondoren aipatuko ditugun autoreek berrikuntza prozesu gisa ikusten dute.
Schumpeter-ek (1957) berrikuntza produktu, prozesu edo kudeaketa metodo berri baten
sartze bezala ikusten du, Drucker-entzako (1985) berrikuntza aldaketa bideratu bat
egiteko esfortzua da, enpresaren indar ekonomiko eta sozialak hobetzeko. Eta Kline-k
artikulu, makina, prozesu edo sistema baten inplantazio praktikoa lortzeko eginiko
jarduera multzoa bezala definitzen du berrikuntza (Kline 1985). Hiru definizio hauek
berrikuntza prozesuarekin zerikusia duten bi kontzeptu ematen ditu aditzera: sarrera
komertziala eta aldaketa enpresariala (López 2003).
Berrikuntza emaitza gisa berriz, objektu bat da (materiala edo inmateriala) eta
konkreatuago izan ezkero produktu, prozedura edo zerbitzu berri edo hobetua
merkaturatzen denean.
Berrikuntza “ekintzaile berritzaileen” berariazko tresna da; negozio ezberdin
baten bila egin behar den aldaketa esplotatzeko medioa. Ikasi eta praktika daitekeen
diziplina da. Ekintzaile berritzaileak berrikuntza ituriak, aldaketak eta aukeren sintomak
Bioteknologia enpresak sortzeko eragile erabakigarriak Euskal Autonomia Erkidegoan