Enpresa bioteknologikoak sortzeko eragile erabakigarriak ... - Euskara

7. Kapitulua: Ondorioak 316
Bio-ekintzaileak ez duenean kudeaketa ahalmen hori, konplexua da pertsona
espezializatuak kontratatzea bi arrazoigatik normalean: EAE eta estatu mailan sektorea
berria denez, beste sektore batzuetan aurkitu behar direlako kudeatzaile horiek, edota
nazioartera jo behar delako esperientzia duten kudeatzaileen bila.
Horrela, beste sektoreetatik datozen kudeatzaileek ez dituzte bioteknologiak
eskatzen dituen ezagutza zehatzak izango, eta nazioarteko kudeatzaileak kontratatu ahal
izateko eskaintza erakargarriak egiteko zailtasunak dituzte EAEko bioteknologia
enpresak.
7.4.3 Finantza-iturriak
EAEko bioteknologia ekintzaileen finantza iturri pribatu eta publikoen gaineko
balorazio kontrajarriak aipagarriak dira: iturri pribatuen balorazio negatiboa eta iturri
publikoena aldiz, positiboa.
Ondorio nagusi bat atera daiteke emaitza hauetatik. Sektore publikoak
biozientzia eta bioteknologiaren aldeko apustua egin du, sektore hau estrategikotzat
hartuz, EAEko bigarren transformazio ekonomikoa gauzatu ahal izateko. OTEB
enpresak, eta bereziki biozientzia enpresak sortzeko, administrazio maila ezberdinetatik
laguntza zehatzak eskaini direlako.
Hala ere, finantza-iturri pribatuek oraindik ez dute bioteknologiaren aldeko
apustua egin, ez baitute sektore honen gainean sinesgarritasun handia oraingoz, nahiz
eta azkenaldian gerturatzeko mugimendu batzuk azaldu diren. EAE eta estatu mailako
arrisku kapital pribatuko erakundeek ez dute esperientzia bioteknologia sektorean, Ipar
Amerikan gertatzen den bezala, eta horrek enpresa hauen garapena oztopatzen du.
Hurrengo urteetan erabakigarria izango da bioteknologia enpresen garapenerako
finantza erakunde hauen parte-hartzea.
Sinesgarritasun ezaren arrazoi nagusia komunikazio eraginkorraren falta izan
daiteke, fondoen kudeatzaileek eta bio-ekintzaileek hizkuntza ezberdinetan jarduten
baitute eta elkar ulertzeko arazoak dituzte. Aurretik aipatu den moduan, fondoen
kudeatzaileek bioteknologia enpresa batek dituen berezitasunak ezagutzen ez
dituztelako eta bio-ekintzaileek enpresa kontzeptuak ez dituztelako behar bezala
barneratuak izaten. Bi alderdiek dituzten gabeziek eragin nabarmena dute elkar ulertu
ezin horretan.
Finantza iturri pribatuak lortzeko zailtasunak direla eta, alternatiba gisa
finantzaketa publikoa erabiltzen dute bio-ekintzaileek. Baina sektorearen kontsolidazioa
Bioteknologia enpresak sortzeko eragile erabakigarriak Euskal Autonomia Erkidegoan