Enpresa bioteknologikoak sortzeko eragile erabakigarriak ... - Euskara

1. Kapitulua: Ikerketaren sarrera 5
1. IKERKETAREN SARRERA
1.1 AURREKARIAK
2000. urteko martxoan Lisboan izandako Europako Kontseiluan 1 , berrikuntzaren
garrantzia azpimarratua izan zen. Ezagutzan oinarritutako eta globalizatutako
ekonomiari erantzuteko erronka gisa, hain zuzen ere.
hau da:
Hamarkada honi aurre egiteko Lisboan ezarritako helburu estrategikoa honako
“Jakintzan oinarritutako munduko ekonomia lehiakorrenean bihurtzea, hazkunde
iraunkor, kalitatezko lanpostu gehiago eta kohesio soziala sortzeko gai izanaz.” (COM
2000-1)
Lisboan ezarritako helburuak bete ahal izateko, gizarteak eta ekonomiak
berrikuntza bere gain hartu behar dute. Europako enpresen lehiakortasunerako
funtsezkoa baita berrikuntza.
Ikerketa zientifikoak, eta bereziki garapen teknologikoak, oinarrizko papera
betetzen du helburu hauek lortzeko orduan. Gizartearen beharrizan eta eskariak asebete
ahal izateko garatzen dira jarduera hauek. Horrela, produktu, metodo eta merkatu
berrien sorketan, ikerketa eta teknologia, lehiakortasun eta hazkunde ekonomikoaren
motore nagusiak dira, Europako enpresen modernizaziorako ezinbesteko tresnak hain
zuzen ere.
Europako Batzordeak 2 argitaratutako komunikazio baten “Europako ikerketa
eremua” (ERA 3 ) definitzen da. Bertan, besteak beste, arrisku-kapitaleko inbertsioak eta
enpresa-sorketa bultzatu nahi dira. (COM 2000-1)
Ikertzaileek sortutako enpresen edo kapitalean parte-hartzea duten enpresen
portzentajea konparatiboki baxua izaten jarraitzen du Europan. Eskualdean eta estatuan
azken urteetan aurrera eraman diren ekintzen artean, teknologia elkartegien sorrerak,
1 Europar Batasunaren (EB) instantzia erabakitzaile garrantzitsuena da Europako Kontseilua.
Parlamentuaren antzera, 50. hamarkadako konstituzio itunetan sortua. Estatu kideen ordezkaritza betetzen
du eta estatu kide bakoitzeko gobernu nazionaleko ministro banak hartzen dute parte bileretan. Lisboan
antolatu zen 2000. urteko martxoak 23 eta 24 egunetan, helburu estrategiko batera heltzeko asmoarekin,
ezagutzan oinarritutako ekonomia bat sortzea hain zuzen ere.
2 Europako Batzordea gobernu nazionaletatik independientea den erakunde bat da, eta funtzio nagusia
Europako Batasunaren interes amankomunak defendatzea da, Parlamentu eta Kontseiluari lege europarren
proposamenak eginez. Batasunaren eguneroko jarduera kudeatzeaz arduratzen da: politiken aplikazioa,
programen exekuzioa eta fondoen erabilpena.
3 European Research Area (ERA) Lisboako estrategiaren antzera 2000. urtean sortu zen eta funtsezko
oinarria da hazkuntza eta enplegua, merkatu bakarra, berrikuntza estrategia eta goi-mailako hezkuntza
arlo bateratu bat lortzeko bidean.
Bioteknologia enpresak sortzeko eragile erabakigarriak Euskal Autonomia Erkidegoan