Enpresa bioteknologikoak sortzeko eragile erabakigarriak ... - Euskara

6. Kapitulua: Prozesu ekintzailea bioteknologia sektorean 286
Hala ere, ikuspuntu kontrajarriak ere jaso dira bioteknologia ekintzaileen artean,
zientziari garrantzia ematen diotenak baina uste dutenak hain erabakigarria ez dela:
“Zientzia ezagutzak izan du garrantzia baina ez modu erradikal
baten. Oso lagungarriak izan dira ezagutza hauek merkatua identifikatzeko
eta arazo konkretuak konpontzeko. Baina enpresa sorketaren prozesu osoa
kontuan hartuz gero, negozio aukeraren identifikazioa kenduta, zientziari
buruzko ditudan ezagutzak erabakigarriak izan dira kapital gabezia nuelako
ikertzaileak kontratatzeko. Beraz, ezagutza zientifiko horikein nik bete
behar nuen ikertzailearen papera eta proiektuen zuzendaritza. Baina kapitala
izanez gero ikertzaileak kontratatzeko, zientzia ezagutzak edukitzea ez
litzateke ezinbestekoa izango.” (Marcos Simón, DRO Biosystems, 2007-02-
15)
Horrela, Noray Bioinfarmatics bioteknologia enpresa sortzerako orduan
ezagutza zientifikoak ez dira erabakigarriak izan. Gainera, ekintzaileak bioinformatikari
buruz zituen ezagutzak urriak ziren, baina hutsune hori identifikatzeko gai izan zen
merkatuaren gaineko ezagutzak zituelako. Hala ere, aurretik IKT eta bioteknologia
sektoreetan izandako esperientziak ahalbidetatu zuen aukera identifikatzera:
“Geurea ez da kasu arrunta bioteknologia sektorean. Merkatuan
behar bat zegoela identifikatu genuen, software eskaria zegoen alegia.
Horrela, IKT enpresa talde baten lanean jardun genuenez (Ibermatica) eta
bioteknologia merkatua ezagutzen genuenez, Gaiker eta Biotec
erakundeetan lanean jardun genuelako, posible izan zen aukera
identifikatzea. Merkatuaren ezagutza izanez gero, bertan aukerak
identifikatzeko posibilitatea dago, eta horri baliabideak kudeatzeko abilezia
gehituz gero, pertsonak eta materialak, edozein gauza lortu dezakezu.”
(Julio Font, Noray Bioinformatics, 2007-03-14)
Ekintzaile bioteknologiko gehienek azpimarratu dute enpresa kudeatzeko
gaitasun eta abileziek duten garrantzia, ezagutza zientifiko-teknologikoa izateaz gain,
bien arteko oreka optimoa izatea baita egokiena:
“Datagene sortu genuenean, bertako ekintzaileek gabezia enpresa
kudeaketan genuen gabezia handiena, genuen bisioa osatzeko behar-
beharrezkoa zena. Lehen bioteknologia enpresa sortu genuenez akats ugari
egin genituen eta asko ikasi bertatik. Nahiz eta gaur egun ni Datagenen ez
egon, enpresak jarduera bera egiten jarraitzen du Adirondack taldearen
Bioteknologia enpresak sortzeko eragile erabakigarriak Euskal Autonomia Erkidegoan