Enpresa bioteknologikoak sortzeko eragile erabakigarriak ... - Euskara

4. Kapitulua: EAEko biozientzia enpresen sorrera XXI. mendean 228
Zentro hauek erlazio estua dute enpresa sektorearekin, bertako bazkideak dira
enpresak edota proiektuetan parte hartzen dute. Erregulazio eta kolaborazio hitzarmenak
ezinbestekoak dira enpresa sektorearekin baina ezin ahaztu beste erakunde bikainekin
sortu daitezkeen elkarkidetzak.
BioGUNE IKZ 2005. urtean sortutako erakunde bat da, aurretik aipatu den
bezala, osasunari aplikatutako alor nagusietan garatu du bere jarduera: genomika
funtzionala, proteomika, metabolomika, biologia zelularra, zelula amak eta
bioinformatika. Ikerkuntzako alor estrategikoak, gaixotasunak identifikatu, aurrezaindu
eta osatzera bideratuak daude. Erakunde publikoek, unibertsitateak, teknologia eta
ikerkuntza zentroek, ospitaleek eta enpresek parte hartzen dute: Eusko Jaurlaritzako
Industria, Merkatarita eta Turismo Saila, Bizkaiko Foru Aldundia, Euskal Herriko
Unibertsitatea, Eusko Jaurlaritzako Osasun Saileko BIO Fundazioa, Azti, Gaiker,
Inbiomed, Leia eta Neiker zentro teknologikoak, Euskadiko Parke Teknologikoen
Sarea, eta Dominion Pharmakine, Faes Farma, Litaphar, MCC, NorayBio, OWL
Genomics eta Progenika enpresa bioteknologikoak eta farmazeutikoak.
BiomaGUNE IKZ aldiz 2007. urtean zabaldutako zentroa da eta nanomaterial
biofuntzional eta biogainazalen inguruan ikerketa lerroak ditu. Lehenengo fasean bi
laborategi eraiki eta azpiegitura zientifiko bat egokitu da, zortzi ikerketa-talde aurkitzen
dira bere barnean aurretik aipatutako bi lerro ezberdinetan banatuak. BioGUNE IKZk
erabilitako prozedura bera erabili du biomaGUNE IKZk, nazioartean ospea duten gidari
zientifikoak aukeratuz. Etorkizun labur baten bigarren fase bati ekingo zaio non
hirugarren ikerketa lerro bat gehituko den, Irudi Molekularreko Unitatea. BioMAGUNE
IKZren bazkideak honakoak dira: AJL, BTI eta MCC enpresak; Azti Tecnalia, Cidetec,
Inasmet eta Leia zentro teknologikoak; Euskal Herriko Unibertsitatea; Osasun Saileko
BIO Fundazioa; eta administrazio publikoen partetik EAEko Parke Teknologikoen
Sarea eta Gipuzkoako Foru Aldundia.
B. BIOEF 86
Osasun sistema publikoak paper garrantzitsua osatzen du, sei ospitale handiekin
EAEn. Sistema honek ondo karakterizatutako biobankuak ditu (ADN eta azal bankuak)
eta ikerketarako erabilgarriak diren datu-base ulergarriak.
BIOEF sortzearekin batera, 2002. urtean, sistemaren errentagarritasuna eta
efizientzia hobetu zen ikertzaile kliniko eta beste eragileen artean elkarkidetza erraztuz,
86 Berrikuntza + Ikerketa + Osasuna Eusko Fundazioa
Bioteknologia enpresak sortzeko eragile erabakigarriak Euskal Autonomia Erkidegoan