Enpresa bioteknologikoak sortzeko eragile erabakigarriak ... - Euskara

5. Kapitulua: Bioteknologia enpresen eta ekintzaileen karakterizazioa 248
jatorri pribatua duen heinean, %30ak erakunde batetik sortuak izan dira (unibertsitatea,
ospitaleak, laborategiak, bioteknologia enpresak edo ikerketa eta teknologia zentroak),
ikerketa emaitzak negozio berrien bitartez ustiatzeko asmorekin.
Spin-off bezala kontsideratuak izan diren enpresen artean, jatorri akademikoa
duten enpresak gailentzen dira, lau bioteknologia enpresa (%20) sortu baitira horrela.
Beraz, unibertsitateak eta ospitaleetako ikerketa laborategiek bioteknologia enpresen
garapenean duen garrantzia azpimarratzen du jatorri akademiko honek. Ondoren, zentro
teknologikoetatik sortutako bioteknologia enpresak daude eta bi izan dira (%10).
Aipatzekoa da start-up pribatuen artean asko iada existitzen diren bioteknologia
enpresetatik sortu direla eta enpresa-taldeen parte direla gaur egun. Horrela,
bioteknologia enpresa berriak sortu dituzten enpresa-taldeak honakoak dira: Progenika
eta Midatech enpresa-taldeak.
Beste enpresen baitan sortutako bioteknologia enpresez gain, sortu eta gero
enpresa-taldeetan integratu diren iniziatibak ere existitzen dira, honakoak izanik
enpresa-talde horiek: Genetrix, Noray Biogroup, Dominion eta Adirondack.. Horrela,
existitzen diren 20 bioteknologia enpresetatik 10, enpresa-talde ezberdinen partaide
dira.
Biozientzia enpresen kokagunea aztertu da laugarren kapituluan (biozientzia
enpresen %76 teknologia elkartegietan lokalizatua). Kapitulu honetan ere,
garrantzitsutzat jo da bioteknologia enpresen kokagunea aztertzea berriro. Horrela, 17
bioteknologia enpresa (%85) Euskadiko Parke Teknologikoen sarean dago kokatua.
Horietatik %88 Bizkaiako Teknologi Parkean dago kokatua eta %12 Donostiako
Teknologi Elkartegian. Arabako Teknologi Parkean gaur egun ez dago bioteknologia
enpresarik, baina dena den, etorkizunerako erronka garrantzitsuak planteiatu dira, Praxis
Taldeak bertan eraikiko baititu instalakuntza berriak ondorengo urteetan 95 .
5.2.2 Enpresa taldeak
Enpresa-taldeetan integratuta dauden bioteknologia enpresen kopurua oso altua
denez, talde hauek aztertzeko beharra ikusi da doktorego tesi honetan. EAEn kokatuta
dauden bioteknologia enpresa-taldeen deskribapena egingo da kontuan hartuz taldearen
95 Joseba Grajales, Praxis taldeko lehendakariak aurkeztu zuen proiektu berrian, 16.000 metro karratuko
eraikina egingo da Arabako Teknologia Elkartegian eta 200 pertsona izango dira bertan lanean 2011.
urtean. http://www.elcorreodigital.com/alava/20080218/mas-actualidad/economia/grupo-farmaceuticopraxis-invertira-200802181342.html
Bioteknologia enpresak sortzeko eragile erabakigarriak Euskal Autonomia Erkidegoan