Enpresa bioteknologikoak sortzeko eragile erabakigarriak ... - Euskara

5. Kapitulua: Bioteknologia enpresen eta ekintzaileen karakterizazioa 253
Ez da ezagutzen beste sektoreetako enpresetatik sortutako bioteknologia
enpresarik. Horrela, sortutako enpresek dibertsifikazio erlazionatutako estrategia bati
erantzuten diote, jarduerak bioteknologikoa beste aplikazio batzuetara zabalduz.
Gainera, biozientzia alorreko enpresa guzti hauek osasun sektorekoak bezala sailkatu
daitezke.
5.2.2.4 Noray Biogroup
Noray Biogroup 2007. urtean sortutako enpresa talde bat da eta Noray
Bioinformatics S.L. eta Histocell S.L. enpresak osatzen dute.
Noray Bionformatics S.L. 2002. urtean sortutako enpresa bioinformatikoa da,
helburua biozientzia sektoreko enpresei zerbitzu euskarriak eskaintzea da eta
horretarako produktu propioak ekoizten dituzte, soluzio informatiko gisa. Biozientzia
alorrean sortzen den informazioa bereganatzen, aztertzen eta kudeatzen laguntzen duten
software-a garatzen dute, horrela, bioteknologia ikerketetatik jasotako datuen esanahi
biologikoaren ulergarritasuna errazten dute. Zerbitzu enpresa bat izan arren, I+Gan
esfortzu handiak egiten dira, produktu propioak garatzen baitituzte, eta horretarako
hainbat ikerketa lerro daude: farmakogenomika, proteomika, metaboleomika eta
sistemen biologia.
Histocell S.L. 2004. urtean sortu zen EHU 100 ko ikertzaile talde batek egindako
ikerketak merkaturatzea posible ikusi zutenean, beraz, spin-off akademikoa dela esan
daiteke. Hasierako urteetan modu independientean jardun arren, gaur egun, Noray
Biogroup-en partaide dira, Noray Boinformatics izanik akziodun nagusia akzioen
%51arekin.
Dibertsifikazio erlazionatuko estrategia jarraitzen du Noray Biogroup taldeak,
jarduerak sektore berbereko enpresetara zabalduz, hazkuntza estrategia hau enpresen
erosketarekin gauzatu du. Kasu honetan, enpresa batek jarduten du osasun sektorean
(Histocell) eta beste enpresak aldiz, zerbitzuen sektorean (Noray Bionformatics).
5.2.2.5 Global Dominion Access
Global Dominion Access enpresa taldearen sorketan inbertsore pribatuek eta
INSSEC 101 enpresa taldeak hartu zuten parte 1999. Urtean. Lau negozio lerrotan
100 Euskal Herriko Unibertsitatea (EHU)
101 Instituto Sectorial de Promoción y Gestión de Empresas (INSSEC) enpresa holding bat da eta bertako
partaide dira Gestamp korporazioa, Pedro Ballvé, Abel Matutes eta Juan Abelló. Automozio sektorean
jarduten duen arren batik bat, beste sektore batzueta ere presentzia azaltzen du, Dominionen kasuan
Bioteknologia enpresak sortzeko eragile erabakigarriak Euskal Autonomia Erkidegoan