Enpresa bioteknologikoak sortzeko eragile erabakigarriak ... - Euskara

3. Kapitulua: Bioteknologia industriaren nazioarteko egoera 158
3.6 irudia
Bioteknologia enpresen adin-banaketa eta enplegua AEB eta Europan
Iturria: Critical I Limited
Bioteknologia enpresen tamaina eta adina konparatzea ere interesgarria da,
egitura zein den aztemateko. Horrela, 10 urte edo gutxiagoko enpresak hartu dira
kontuan, Europako enpresen %80 eta AEBetako enpresen %70 hain zuzen ere (3.8
taula).
Espero zen bezala, 2002 eta 2004 bitartean sortutako enpresen gehiengoak
tamaina txikia du (0-20 langile), Europan enpresa txiki hauen portzentajea %93koa da
eta AEBetan aldiz, %77koa.
1999 eta 2001 bitartean sortutakoak aztertuz gero, Europako bioteknologia
enpresa gehienak 0 eta 20 langile dituzten (%68) bitartean, AEBetako bioteknologia
enpresen portzentaje altuena 21 eta 50 langile bitartekoak dira (%60).
Azkenik, 1994 eta 1998 bitartean sortutakoen artean ere gauza bera gertatzen da
Europaren kasuan, enpresa gehienak 0 eta 20 langile bitartekoak izaten jarraitzen dute
(%49) eta AEBetan aldiz, enpresen gehiengoak 50 langiletik gorakoak dira (%44).
Beraz, datu hauek kontuan hartuta, AEBetako bioteknologia enpresek enplegu
hazkuntza maila altuagoa izaten dutela garbi geratzen da, Europako bioteknologia
enpresei enplegu maila horiek lortzea gehiago kostatzen zaien bitartean.
Bioteknologia enpresak sortzeko eragile erabakigarriak Euskal Autonomia Erkidegoan