Enpresa bioteknologikoak sortzeko eragile erabakigarriak ... - Euskara

6. Kapitulua: Prozesu ekintzailea bioteknologia sektorean 290
daude. Hala ere, alternatibak aurki daitezke hazi kapitalarekin. Bestalde,
zientzia proiektuen bitartez ere maileguak lortu daitezke Egoera koiuntural
hau aprobetxatuaz, MEC-etik baldintza onetan lortu daitezke, mota hontako
enpresak bultzatzen baitira erakunde publikoetatik.” (Silvia Avila eta Jose
Luis Castrillo, Genetadi Biotech, 2007-06-18)
6.4.3 Administrazioak
Aurkitzen diren fasearen arabera, finantza-iturri publikoak administrazio maila
ezberdinetatik jasotzen dituzte bioteknologia enpresak. Horrela, enpresa sortzeko foru
aldundietako finantzazioa erabili ohi dute eta ondorengo faseetarako aldiz, garapenerako
alegia, Eusko Jaurlaritza, Gobernu Zentral eta Europar Batasuneko tresna finantzarioak
erabiltzen dituzte. Laguntza hauek modu zuzenean ematen dituzte administrazioek.
Beste laguntza batzuk aldiz administrazioetatik sortutako sozietateen bitartez ematen
dira eta bioteknologia sektorean bereziki aipagarriak dira, aurretik azaldu diren bezala
Seed Capital Bizkaia eta AKEKS.
Finantza-iturri publiko zuzenen inguruan bio-ekintzaileek kantitate aldetik
egokitzat ikusten dituzte administrazioetatik eskaintzen diren laguntza programak.
Erabilgarritzat jotzen dituzte bioteknologia enpresak sortzeko eta garatzeko, batez ere
I+Gko proiektuak aurrera eraman ahal izateko.
Azken urteetan administrazio maila ezberdinek, eta batez ere BioBasque 2010
Estrategiarekin, bioteknologiaren aldeko apostua egin dutela atzematen dute
elkarrizketatutako bio-ekintzaileek. Gainera, kasu askotan laguntza edo bultzada
publikoak finantza alternatiba bezala erabiltzen dituzte, beste finantza erakundeetatik
lortzen ez duten finantziazioa lortzeko hain zuzen ere:
“Momentu honetan egoera oso ona da. Nik basamortua ezagutu
nuen, Datagene 1997. urtean sortu genuenean. Foru Aldundia eta Eusko
Jaurlaritzako sail ezberdinekin hitzegiten genuenean ez zuten ulertzen egin
nahi genuena. Ez ziren existitzen enpresa mota hauentzako diru laguntza
zehatzak, ezta ere laguntza egiturarik bioteknologia sektorerako. Baina gaur
egun, bioteknologia sektorean ideia berri baten bitartez enpresa bat sortu
nahi duen ekintzaile batek egoera ezin hobea du. Hamar urtetan gauzak asko
aldatu dira. Katalunia bere garaian paradisu bat izan zen, Madril atzetik
dago eta Andaluzian gauzak ari dira egiten baina momentu honetan estatu
Bioteknologia enpresak sortzeko eragile erabakigarriak Euskal Autonomia Erkidegoan