Enpresa bioteknologikoak sortzeko eragile erabakigarriak ... - Euskara

3. Kapitulua: Bioteknologia industriaren nazioarteko egoera 181
Quebec probintziako arrisku kapitaleko enpresen inbertsio totalaren %31
bioteknologia sektorera bideratua dago, zifra hau modu egonkor baten hazi da azken
bost urteetan.
Industry Canada-k emandako datuen arabera, orokorrean hamabi urte behar dira
produktu bioteknologiko bat merkaturatzeko. Molekula bat produzitzeak 85 eta 120
milioi dolar bitarteko kostea du, 85 milioi dolar horiek erreferentzia gisa hartuta horrela
banatuko litzateke prozesua (Industry Canada 2004):
• Hasierako ikerketa: 4 urte eta 5 milioi dolar.
• Fase preklinikoa: 2 urte eta 15 milioi dolar.
• Lehenengo proba fasea: urte 1 eta 5 milioi dolar.
• Bigarren proba fasea: 2 urte eta 15 milioi dolar.
• Hirugarren proba fasea: 3 urte eta 40 milioi dolar.
• Botikaren aplikazioaren onespena: urte 1 eta 5 milioi dolar.
3.6 BIOTEKNOLOGIA ESTATU ESPAINIARREAN
Azken urte hauetan esfortzu handia egin da espainiar estatuan, bioteknologia
ikerketari dagokionez, ezagutza sortu eta esperientzia eskuratu ahal izateko. Horrela,
OTEB-ak sortu ahal izateko oinarriak ipini dira. Hala ere, mota honetako enpresa
gehiago sortzeko ahalmen teknologikoa dago estatu espainiarrean. Teknologia
transferentzia hau geldiarazten duten faktoreen artean, ezagutza zientifiko eta gaur
egungo eta etorkizuneko aplikazioen artean dagoen komunikazio falta azpimarratu
daiteke. Teknologia transferentziaren arazo hau ekiditeko edo gainditzeko ezinbestekoa
da informazioaren zabaltze egokia egitea, honen bitartez teknologia hauen bidez sortu
daitezkeen negozio berriak errazago identifikatu baitaitezke. Era sinple baten
laburtzeko, teknologia hauekin lan egiteko aurretik ondo ezagutu behar dira (Cotec
2006).
Puntu hau osatzeko Genoma Españak 60 2005. urtean argitaratutako bederatzi
liburuko ikerketa bilduma eta 2007. urtean kaleratutako Relevancia de la biotecnología
en España 2007 erabili dira. Txosten honetan erabili diren adierazle guztiak ELGEk
bioteknologiarekiko duen definizioa kontuan hartuta egin dira.
60 Fundación para el desarrollo de la Investigación en Genómica y la Proteómica, Genoma España,
genomaren ikerketan eta esplotazioan nazioarteko erreferentzia izan nahi du eta horretarako sektore
publiko eta pribatuaren arteko katalizatzaile gisa jarduten du, garapen lehikorra eman dadin sektorean.
2001. urteko azaroak 16an antolatutako Ministro Kontesiluan onartu zen, oreka egon zedin sektore
publiko eta pribatuaren artean, ikerketa eta berrkuntzaren artean hain zuzen ere. Jarduera 2002. urtean
hasi zen lau urterako akzio planaren onarpenarekin.
Bioteknologia enpresak sortzeko eragile erabakigarriak Euskal Autonomia Erkidegoan