Enpresa bioteknologikoak sortzeko eragile erabakigarriak ... - Euskara

1. Kapitulua: Ikerketaren sarrera 7
2) Funtsezkoa da babes publikoa egotea, gizarteko ondorio eta kezkei
erantzuteko.
3) Iraultza zientifiko-teknologikoa, aukera eta erronka berriak sortzen dituen
errealitate globala da.
Bioteknologiak ez du tradizioa izan Euskal Autonomia Erkidegoan (hemendik
aurrera EAE 4 ) Europako beste herrialde batzuekin alderatuz gero, baina hazkuntza
fasean aurkitzen da. Gainera, 2001-2004 bitarteko Zientzia, Teknologia eta Gizarte
Planak eta 2007ko urrian argitaratutako Zientzi, Teknologia eta Berrikuntzarako Planak
(PCTI 2010), lehentasuneko sektore estrategikotzat hartu dituzte biozientziak eta
bioteknologia.
Testuinguru honetan, biozientzietan oinarritutako industria sortu ahal izateko
klusterren eredua hartu du Eusko Jaurlaritzak, BioBasque Agentzia eta BioBasque 2010
Estrategia sortuz, non agente ezberdinek erlazio dinamiko baina egonkorrak finkatzen
dituzten, epe laburreko kontaktu puntual eta interesgarriekin. Hainbat helburu ditu
agentziak 2010. urterako. Horietako bat garapenaren bultzatzaile nagusi izango diren
enpresen sorrera da (Eusko Jaurlaritza 2003).
Teknologia berriak bereganatzerakoan, nazioarteko merkatuetara jotzerakoan,
kalitatezko produktuak egiterakoan, eta abarretan, enpresa txiki eta ertainek (hemendik
aurrera ETEak) kluster bateko kide izateagatik abantailak izaten dituzte. Horrela,
klusterren inguruan politika zehatza izateak enpresen, sektore publikoaren eta beste
hainbat erakunderen artean elkarrizketarako eta lankidetzarako esparrua osatzen
laguntzen du (Aranguren, Larrea eta Navarro 2003).
EAEn klusterrak sortzeko lehen urratsa 1990eko hamarkada hasieran eman zen,
eta kanpoko merkatuetan abantaila galtzearen ondorioz, lehiatzeko abantaila
espezializatua lortzea zen helburu. Horrela, Michael Porter-en “Nazioen abantaila
lehiakorra” lana oinarri hartuta (Porter 1990), etorkizuenan lehiakortasuna indartzeko
4 Euskal Autonomia Erkidegoa. Araba, Bizkaia eta Gipuzkoa probintziak osatzen dute Euskal Autonomia
Erkidegoa, hemendik aurrera EAE; 2.140.908 biztanle ditu gaur egun eta Gasteiz da bertako hiriburua,
hizkuntza ofizialak gaztelania eta euskara dira. Barne Produktu Gordinari dagokionez Europar
Batasunean (EB 27=100), 2000. urtean 8 herrialde BPGd per capita (PPC) EAEn baino altuagoa zen,
aldiz 2006. urtean 3 herrialde soilik daude BGPd altuagoa dutenak (Luxemburgo, Irlanda eta Holanda).
EAEk estatuan duen pisu erlatiboa oso esanguratsua da, biztanleen %4,7 duen bitartean BPGari egiten
dion ekarpena %6,14koa da. Langabezia-tasa %4,1ekoa da (EB 27 %7,29 eta Espania %8,5), ia %8 jaitsiz
azken 6 urteetan. I+Geko gastua BPGdren %1,43koa da (EBn 27 %1,86 eta Espanian %1,13), azken 23
urteetan I+Geko gastua 22 aldiz biderkatu da.
Bioteknologia enpresak sortzeko eragile erabakigarriak Euskal Autonomia Erkidegoan