Enpresa bioteknologikoak sortzeko eragile erabakigarriak ... - Euskara

1. Kapitulua: Ikerketaren sarrera 19
1.3.5 Prozesu metodologikoaren definizioa: ikerketaren faseak
1.3.5.1 Azterketa bibliografikoa
Ekintzailetsunaren, berrikuntzaren eta bioteknologiaren inguruan egon diren
garapen teorikoak bildu eta aztertu dira. Ondorioz, azterketa bibliografikoa honela
laburbildu daiteke.
Ekintzailetasunari dagokionez autore klasikoak erabili dira Knight (1921),
Schumpeter (1934), Baumol (1968), Leibenstein (1969), Collins & Moore (1970),
Kirzner (1973) eta Drucker (1974) kasurako. Dena den, Veciana (1989), Nueno (1996),
Timmons (1999), Varela (2001), Irizar (2003), Peña (2003) eta Shane (2006) bezalako
autore garaikideen erreferentziak ere erabiltzen dira azterlan bibliografikoa osatzeko.
Bestalde, gaiaren inguruan nazioartean eta EAEn egin diren hainbat ikerketen datu
bilketa ere egin da. Alde batetik Global Entrepreneurship Monitor (GEM), Europako
Batzordea eta ELGE bezalako erakundeetatik jasotako ikerketekin. Euskadin Regional
Entrepreneurship Monitor (REM), Angulo (2000) eta Del Teso (2000) besteak beste
egindako ikerketak erabili dira.
Azterketa bibliografiko hau osatzeko ezinbestekoa izan zen 2004. urteko maiatza
eta ekaina bitartean Glasgow-ko (Eskozia) Strathclyde University-ko DMEM 19
departamentuan egindako hilabeteko egonaldia. Gainera, unibertsitate honetan antolatu
zen Babson Kauffman Entrepreneurship Research Conference (BKERC 20 ) 2004ko
ekitaldian parte hartu zuen autoreak.
Berrikuntza aztertzerako orduan Schumpeter (1957) eta Drucker (1985)
bezalako autore klasikoak hartu dira kontuan berriro ere. Klasiko hauei Rosenberg
(1972), Kline (1985), Freeman (1994) eta Rothwell eta Dogdson (1994) autoreen
ekarpenak gehitu zaizkie, eta aldi berean garaikideak diren definizioak ere barneratu
dira, hala nola, Europako Batzordearen Liburu Berdea (1995), Morcillo (1997),
Christensen (2002) , Fagerberg (2003), López (2005), Chesbrough (2007) eta Sawhney,
Wolcott eta Arroniz (2007). Gainera, berrikuntzaren inguruko datuak European
Innovation Scoreboard argitalpena erabiliz interpretatu dira, nazioarteko konparaketa
eginez.
19 Strathclyde University 1796. urtean sortu zen eta gaur egun Eskoziako hirugarren unibertsitatea da
ikasle kopuruari dagokionez. Design, Manufacture and Engineering Management departamentua
ingeniaritza fakultatean aurkitzen da, eta balio kate osoko kudeaketan dago espezializatua besteak beste.
20 Babson Kauffman Entrepreneurship Research Conference (BKERC) Babson College-k 1981. urtean
sortutako nazioarteko kongresua da. Ekintzailetasunaren arloko ikerketan paper enpirikoen bilduma
zabala dago jasota Frontiers of Entrepreneurship Research izenarekin egiten den urteroko publikazioan.
Bioteknologia enpresak sortzeko eragile erabakigarriak Euskal Autonomia Erkidegoan