Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 65
2.3.2.2 Ingurunea
A. Profil demografikoa
Enpresak ingurunearekin duen erlazioa aztertzen du profil demografikoak.
Teoria honen bitartez, enpresa sortzerako orduan, ekintzaileak gizartearen babesa
edukitzeko sortzen dituen erlazio sozialei ematen zaie garrantzi handiena.
Inguruneak ezaugarri batzuk izango ditu, alde batetik faktore positiboak (pull
faktoreak) eta beste alde batetik faktore negatiboak (push) egongo dira.
A1) Pull faktoreak
Kultura: Kultura batzuetan nabariak dira arriskua hartu eta aurrera egiteko
ekimenak. Euskal kulturan badugu ingurune berriak ezagutzeko hainbat ekimenen berri.
Hala, hirietatik nola herrietatik sarritan alde egin izan dute kanpora aukera berrien bila.
Kontuan hartzekoa dira, enpresa berriak sortzeko EAEn urtero ditugun hogei mila bat
lagunen ekimenak. Bi aukera horien artean –atzerrira joatea eta enpresa berriak hemen
sortzea- badago loturarik: ezagutzen ez den zera hori probatzearren arriskutan sartzeko
joera. Gure kulturak eta historiak horren adibide dezente utzi dizkigute.
Giza-baliabide gaituen erabilgarritasuna: Faktore hau erabakigarria da batez
ere, puntako teknologia sektoreetan. Arrisku altua izan ohi dute enpresa hauek eta oso
garrantzitsua da langile teknikoak edukitzea eta horretan formakuntzak paper berezia
betetzen du.
Unibertsitateekiko gertutasuna: Pertsona kualifikatuak lortzeko, aurreko puntuan
azaldutako premiarentzako soluzio egokia izan liteke unibertsitatea. Unibertsitatetik
zuzendutako ikerketak berrikuntzetan bihurtzeko garrantzitsua da enpresekin bat lan
egitea. Bestalde, ikerketa taldeetatik ere enpresa berriak sortzeko joera geroz eta
handiagoa da.
Finantza-iturriak: banku, aurrezki-kutxa, arrisku kapitaleko enpresak, business
angels-ak 30 , etabarren sare batek existitu behar du ekintzaile desberdinen proiektuei
bideragarritasuna emateko. Alderantziz, beste ingurune hobeago batzuetara alde egingo
dutelako.
Zerbitzuak: aholkularitza-enpresak, ingeniaritza, laborategiak,… bezalako
zerbitzuek enpresa bat abian jartzeko ekintzailearn lana errazten dute. Kapitalaren
30 Business angel eta angel investor terminoak erabili ohi dira inbertsio-agente pribatuak definitzerako
orduan.
Bioteknologia enpresak sortzeko eragile erabakigarriak Euskal Autonomia Erkidegoan