Enpresa bioteknologikoak sortzeko eragile erabakigarriak ... - Euskara

6. Kapitulua: Prozesu ekintzailea bioteknologia sektorean 294
ardatz estrategikoak guztiz oinarrizkoak izan dira.” (Azucena Castro,
Datagene, Kina Biotech eta OWL Genomics, 2007-02-08)
Ekintzaileek, BioBasque Agentziak eta BioBasque 2010 Estrategiak egin duten
ekarpena atzematen dute. Horrela, aurretik existitzen ez ziren enpresak daude eta
denbora gutxian, enpresa sorketari dagokionez, emaitza onak lortu dira aurreko
kapituluetan ikusi den moduan. Gainera, biozientzien estrategia zehatz bat izateak eta
hori koordinatzeko agentzia bat sortzeak bio-ekintzaileak enpresa sortzera bultzatu ditu:
“Gure kasuan eragin zuzena izan du, enpresa sortzea erabaki
genuenean BioBasque 2010 estrategia aplikatzear zegoela genekielako. Beti
saiatzen zara nola hala arriskua minimizatzen eta estrategiak funtzio hori
betetzen zuen, nahiz eta arriskua guztiz ez zuen ezabatzen. Enpresa batzuk
ez dute aurrera egin baina BioBasqueren estalkiarekin ingurune lagungarria
sortu zen. Sektorea asko dinamizatu du eta zentro berezi batzuk sortu dira -
bioGUNE IKZ eta biomaGUNE IKZ bezalakoak-, administrazioko fondoak
kanalizatu dira eta beste hainbat arlotan ere lagungarri da.” (Julio Font,
Noray Bioinformatics, 2007-03-14)
Beste kasu batzuetan kanpoko bio-ekintzaileak erakartzeko baliagarria izan da,
Midatech Bioguneren kasuan bezala:
“Zirrara asko sortu du nire kasuan jarrerak. Maria Aguirrerekin
(Bibasque Agentziako koordinatzailea) hitzegin nuen 2004. urtean eta
estrategia eta helburuak planteitu zizkiten eta egia esan, lortutakoarekin
txundituta nago. Andaluziatik irten behar izan genuen ez zegoelako laguntza
nahikoa, Galizian ez ziguten kontuan hartu eta EAEn ordea, jarrera guztiz
ezberdina izan zen.” (Justin Barry, Midatech Biogune, 2007-06-07)
Hala ere, kasu batzuetan bio-ekintzaileek lagungarri ikusten duten arren
BioBasque estrategia eta agentziaren papera, bioteknologia enpresa edozein modutara
sortuko zutela baieztatu dute. Hori bai, bio-ekintzaile hauek hauteman dute lagungarria
izan dela batez ere behin sortu eta gero, sektorea bereziki eta ingurunea orokorrean
koordinatu eta dinamizatu dituelako.
6.5.2 Teknologia elkartegiak eta enpresa inkubatzaileak
Aurreko kapituluan aztertu dira zein bioteknologia enpresa pasa diren EAEko
inkubatzaileetatik eta zeintzuk dauden teknologia elkartegietan. Puntu honetan bi eragile
konkretu hauei buruz egindako balorazioak jaso dira.
Bioteknologia enpresak sortzeko eragile erabakigarriak Euskal Autonomia Erkidegoan