Enpresa bioteknologikoak sortzeko eragile erabakigarriak ... - Euskara

6. Kapitulua: Prozesu ekintzailea bioteknologia sektorean 287
barnean. Atzera bueltatzea posible izango balitz orain dakidanarekin, gauza
asko aldatuko nituzke baina negozio ideia behintzat ez.” (Azucena Castro,
Datagene, Kina Biotech eta OWL Genomics, 2007-02-08)
6.4 FINANTZA-ITURRIAK
EAEko bio-ekintzaile gehinek 3F-ak erabiltzen dituzte enpresa sortzerako
orduan. Behin gertuko gertuko ezagunetatik finantzazioa jaso ondoren iturri pribatu eta
publikoetara jotzen dute finantzazio osagarriaren bila.
Bioteknologia enpresen ekintzaileek finantza-iturri publiko zein pribatuen
gaineko hausnarketa egin dute. Puntu honetan bi tendentzia kontrajarri interesgarri
atzeman dira: iturri pribatuen (banku, kutxa, arrisku kapital eta business angels) gaineko
balorazio negatiboa da eta alderantziz, iturri publikoen (administrazioak) gaineko
balorazioa positiboa.
6.4.1 Banku eta kutxak
Banku eta kutxei dagokionez, enpresak sortzeko dituzten laguntza orokorrak
aintzat hartzen dira 114 , baina ekintzaileen gehiengoak uste du ez dutela sinesgarritasuna
bioteknologia sektorean oraindik:
“Banku eta kutxek adreiluaren ideiarekin jarraitzen dute oraindik,
arrisku handiegia duen abentura gisa ikusten dutelako bioteknologia
sektorea. Gaur egun, fondo espezializatu batzuk sortu dira eta
aurrerapausuak atzeman daitezke baina gehiegi aldatu gabe gauzak.
Erlazioak izan ditugu duela gutxi arte banku eta kutxa ezberdinekin
finantzazioa lortzeko baina ez dugu ezer lortu, komisio askotatik pasatzen
dira eta ez dituzte onartzen.” (Azucena Castro, Datagene, Kina Biotech eta
OWL Genomics, 2007-02-08)
Horrela, sinesgarritasun falta honen ondorioz, inbertsio proiektu gehienak atzera
botatzen dituzte edota berme altuak eskatzen. Berme hauek lortzea zaila da hasi berri
den enpresa bioteknologikoarentzat. Horregatik, bioteknologia enpresa gehienak fase
aurreratuetarako uzten dituzte banku eta kutxekin izan ditzaketen erlazioak. Horregatik,
finantzazioa arrunt hauek lortzeko hasierako urteetan bio-ekintzaileek berme
pertsonalak erabiltzen dituzte:
114 BBK Gaztelanbidean, Caja Laboral Gaztenpresa eta Kutxak emandako laguntzak aipatu dira batez ere.
Bioteknologia enpresak sortzeko eragile erabakigarriak Euskal Autonomia Erkidegoan