Enpresa bioteknologikoak sortzeko eragile erabakigarriak ... - Euskara

7. Kapitulua: Ondorioak 313
erakundeekin dituztenak daude. Kooperazioa bioteknologia sektorearen garapenerako
erabakigarria izango da, eta funtsezkoa enpresen arteko elkarlanaren koordinazioa eta
dinamizazioa, horretan datza eta EAEko bio-eskualdearen eredua.
7.3.1 EAEko ekintzaile bioteknologikoaren profila
Negozio aukerak identifikatzerako orduan, EAEko bioteknologia ekintzaileetan
barne-prozesuak gailentzen dira, hiru ekintzailetik bi tekno-ekintzaileak izan ohi dira
(%63,3). Horrela, garbi geratuz ekintzaileen portzentaje handiena zientzien alorretik
datorrela nahiz eta aldea handia ez izan merkatu-behatzaileekiko.
Motibazio aldetik ondorio garbia atera daiteke, EAEko bio-ekintzaile guztiak
aukeragatiko ekintzaileak baitira, aurretik identifikatu duten aukera horren ondorioz
sortu dutela bioteknologia enpresa. Motibazio faktore honek arrakastarako aukera
gehiago izaten ditu, orain arteko ikerketak ezagutaraztera eman duten bezala.
Orokorrean ekintzaileen hasierako taldeak egonkor mantendu dira denboran
zehar eta ondorioz irakurketa bikoitza egin daiteke. Ondorio positibotzat, ekintzaile
taldearen egonkortasuna mesedegarria dela enpresaren garapenerako, eta aldiz ondorio
negatiboa, talde horren irekiera falta izan daiteke, beste diziplinetako kideak
barneratzeko bertan. Ekintzaileek ez dute nahi izaten proiektua partekatzea beste kide
berriekin, batez ere enpresa kudeaketatik etor daitezkeen kideekin, eta horrek,
garapenen arazoak sor ditzake.
Formakuntza eta esperientziaren gaineko emaitzak aztertu eta gero, kontuan
hartu behar da zientzian eta kudeaketa mailan dituzten ezagutzak neurtu nahi izan
direla. Horrela, EAEko bio-ekintzaileak zientziaren aldetik formakuntza egokia dutela
esan daiteke, gehiengoak baititu unibertsitate ikasketak eta ekintzaileen erdia baino
gehiago da doktorea bioteknologiarekin zerikusi duten alorretan, zientzia ezagutzak
agerian geratuz. Gainera, ikertzeko gaitasun hauek, artikulu, liburu eta patenteen
argitaratze maila egoki batekin osatuak daude.
Bestalde, enpresa kudeaketan dituzten gaitasunak ere hartu behar dira kontuan,
eta EAEko ekintzaileen %38k graduondokoren bat egin du enpresa kudeaketa arloan.
Gainera, erdiak baino gehiagok, %60k hain zuzen ere, aurretik esperientzia izan du
ekintzailetasunean, enpresa bat sortuz iraganean. Horrela, ekintzaile hauek gaitasun eta
abilezia zehatzak lortu dituzte aurreko esperientzia hauen bitartez enpresa berriari
ekiteko.
Bioteknologia enpresak sortzeko eragile erabakigarriak Euskal Autonomia Erkidegoan