Enpresa bioteknologikoak sortzeko eragile erabakigarriak ... - Euskara

3. Kapitulua: Bioteknologia industriaren nazioarteko egoera 194
Enpresa taldeen banaketa egin ezkero aplikazio sektoreari dagokionez
ezberditasunak aurki daitezke. BE-n artean %75 osasun sektorean jarduten du,
teknologia berrien garapen eta aplikazioan, agente terapeutikoen garapenean edo
diagnostiko klinikoan hain zuzen ere. BIE-n artean aldiz, osasun sektorean jarduten
duten enpresen portzentajea %50 da, nahiz eta gehiengoa izan pisua galtzen du nekazal
elikagaien sektorearen mesedetan. Aipatzekoa da, bi enpresa taldeak kontuan hartuz,
enpresen heren batek jarduera nagusi bezala zerbitzuen prestazioa duela (teknologikoak,
banaketa eta merkataritzakoak). Portzentaje hau hurrengo urteetan, sektore
bioteknologikoa heltzen doan heinean, handitu egin daiteke.
Zientzia eta teknologia adierazleak aztertzerako orduan azaldu den bezala, 2000-
2006 aldian, enpresen konzentrazioa egon da osasun sektorean nahiz eta orokorrean
aplikazio sektore guztiek izan duten hazkuntza.
3.6.3.2 Bioteknologia enpresen fakturazioa, enplegua eta pertsonal gastua
Fakturazioa, enplegua eta pertsonal gastuak aztertzeko BE-k soilik hartuko dira
kontuan. Bioteknologia sektore berria da estatu mailan eta arrazoi horregatik enpresa
kopurua ez da oraindik oso altua. Hala ere, 2000-2006 aldian fakturazioa, enplegua eta
pertsonal gastuek hazkuntza nabarmena jasan dute: fakturazioak %200, pertsonal
gastuak %210 eta enpleguak %750. Nahiz eta hazkuntza garrantzitsua egon enpresen
tamaina eta fakturazioa txikiak dira, 16 pertsonetakoa eta 2,5 milioi eurotakoa hurrenez
hurren.
Iturria: Genoma España
3.18 irudia
Bioteknologia enpresen fakturazioa
Bioteknologia enpresak sortzeko eragile erabakigarriak Euskal Autonomia Erkidegoan