Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 50
bideratzen die negozioen azken emaitzak eta beraien bizitzak moldatzea.”
(Timmons 1999)
Marchesnay eta Julien autoreek ekintzailea gertaerak aukeretan bilakatzeko
gaitasuna duen pertsona gisa azaldu zuten (Marchesnay eta Julien 1988).
Shapero-k ondokoa proposatzen du:
“Pertsona batek baliabide konkretu batzuk era konkretu baten eta
helburu konkretu batekin antolatzeko iniziatiba hartzen duenean, sortutako
erakundeak autonomia maila erlatibo batekin gozatzeko aukera du, eta
ideiaren sortzaileak zuzendu eta arriskua bereganatzen du. Honek denak
fruitua ematen badu, arrakasta guztiaren onuraduna berau izango da eta
alderantziz, porrot egiten badu, porrota ere bere porrot pertsonala izango
da.” (Shapero 1988)
Hofer-ek, etekin eta hazkunde bat lortzeko helburua edukita, aukeren atzetik
dabilen gizabanako bezala azaltzen du ekintzailea (Hofer 1988).
Bestalde, ekintzaile izateak egoera eraldatzeko oinarrizko gaitasunak edukitzea
dakar, ekonomikoki eta sozialki etorkizun oparoago eta efizienteago bat ekarriz (García
Echevarría 1988).
Santiago Garcia Echevarriaren azterketa egin zuen Luis del Tesok bere
doktorego tesian, analisi honetan alde baten utziz Garcia Echevarriaren definizioaren
azken zatia, bestela arrakasta ekintzailearen definizioari datxekiona izango baitzen. Bi
elementu orokor antzematen daitezke enpresa-jokabidean: ekintzaileak etorkizunean
egon nahi duen egoera desiratua zehaztu behar du eta, gainera, errealitatea eraldatu
egoera desiratu horretara iristeko (Del Teso 2000).
Enpresa-prozesua zerbait ezberdina sortzeko prozedura moduan definitua izan
da. Beharrezko denbora eta ahaleginak eskainiz, arrisku finantzario, fisiko eta sozialak
bereganatuz, diruzko ordainsariak jasoz eta arrakastaren asebetasun pertsonalaz gozatuz
(Hisrich eta Peters 1989).
Jeffry Timmons-ek entrepreneurship edo ekintzailetasun kontzeptuaren
definizioan bi elementu hauek aipatzen ditu: entrepreneur batek negozio proiektu baten
ideia du; eta gainera praktikara bideratzen du, horretarako arrisku kalkulatu, pertsonal
eta finantzarioak bere erantzukizunpean jarriz (Timmons 1989).
Bioteknologia enpresak sortzeko eragile erabakigarriak Euskal Autonomia Erkidegoan