Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 35
faktoreak, hurrenez hurren, garrantzia duten bitartean, ikuspuntu honen hipotesia da
arrakasta eta hutsegitean hainbat aldagaik parte hartzen duela. Gainera, ekarpen hauen
ustez aldagai hauek enpresa-sortzaileak berak kontrolatu ditzake. Hainbat autorek egin
du ikerketa arlo honetan (Stuart eta Abetti 1987, Sandberg eta Hofer 1987, Keeley eta
Roure 1990, McDougall, Robinson eta Denisi 1992, Lussier eta Corman 1995 eta
Planellas 1994).
Enpresetan sortu eta garaturiko proiektu berritzaileen eredua (Corporate
Entrepreneurship): Intrapreneurship edo Venture Management bezala ere ezagutzen da
terminoa, nahiz eta azken hau oso gutxi erabiltzen den gaur egun. Enpresa barnean
aukera berriak identifikatzeko eta negozio berriak sortzeko helburuarekin egiten diren
ekintzak bezala definitu liteke barnekintzailetasuna. Enpresa handietan enpresa izpiritua
sustatzean datza, beste ikuspuntuetatik lortutako ezagutzei etekina atereaz enpresa
funtzio hori garatzeko (Irizar 2006).
2.2.2 Ekintzailetasuna eta garapen ekonomikoa
Garapen ekonomikoaren barnean ekonomistek ikuspuntu desberdinak izan
dituzte historian zehar, aldagai ekonomiko ezberdinak nabarmenduz. Hala ere, gehienak
bat etortzen dira adierazle batzuk onartzerako orduan, besteak beste:
• NPG 26 ren hazkuntza per capita.
• Aberastasunaren bidezko banaketa.
• Ordainketa balantzaren egonkortasuna.
• Prezioen egonkortasuna.
• Lanpostuen hazkuntza eta langabezi tasaren jaitsiera.
• Esportazio maila altua
• …
Garapenaren teoria neoklasikoek ez dituzte aldaketa teknologikoa zein
ekintzailetasuna azaltzeko mekanismoak (Solow 1956). Eskala ekonomiak lantegi
mailan erabiltzen direlako, eredu tradizionalean, garapen ekonomikoa lantegi handietan
egiten diren kapital inbertsioen araberakoa da. Hala ere, kapital metaketak herrialde
bateko ekonomiaren aldaketaren zati txiki bat soilik azaldu dezake. Garapen
ekonomikoaren teoria berriek kanpo faktoreak, eskala ekonomiak ez bezala,
26 Nazio Produktu Gordina, jabego nazionaleko produkzio faktoreek denboraldi jakin baten ekoiztutako
ondasun eta zerbitzuen merkatu balioa (adierazle honetan kontuan izango dira, esaterako, herrialde bateko
enpresa batek atzerrian ekoizten dituen produktuak).
Bioteknologia enpresak sortzeko eragile erabakigarriak Euskal Autonomia Erkidegoan