Enpresa bioteknologikoak sortzeko eragile erabakigarriak ... - Euskara

1. Kapitulua: Ikerketaren sarrera 13
ikertzeko metodologien konbinazioa bezala definituz (Denzin 1978). Metodo
kuantitatibo eta kualitatiboen konbinazio gisa ulertzen da orokorrean triangelaketa,
errealitate bereko ezaugarri ezberdinak aztertuz, testuinguru baten kokapen zehatza
burutzen lagunduz.
Triangelaketa metodologikoaren funtsa banakako metodo (kuantitatibo eta
kualitatibo) bakoitzaren ahulezietan datza. Triangelaketaren bitartez indar
kontraorekatzaileen ahulezia horiek konpentsatuko dira. Metodo guztiek dituzte
perfekzio-ezak edo ahuleziak, eta triangelaketa metodologikoarekin ikertu nahi den
arazoari aurre egiteko ez dira ahulezia hauek gainjartzen, baizik eta abantaila osagarriak
gaineratzen (Brewer eta Hunter 1990).
Metodoen integrazioa aplikatzerako orduan hainbat aukera aurki daitezke:
- Ikuspuntu baten barnean, kuantitatiboa zein kualitatiboa, hainbat metodo
erabiltzea.
- Lehen planoan metodo kualitatiboa aplikatzea, eta bigarren momentu baten
metodo kuantitatiboa. Landa esploratzeko teknikak eta aktoreekin elkarrizketa
ez-egituratuak eginez, ondoren azterketa kuantitatibo bat egiteko. Fase
kualitatiboa kontzeptu eta hipotesiak sortzeko erabiltzen da eta adierazle
hoberenak aurkitzeko. Horrela lagin eta galdetegi on batzuk sor daitezke. Behin
eta berriz errepikatu da aukera hau gizarte zientzien arloan.
- Aurrekoaren alderantzizkoa da hau. Lehenbizi metodo kuantitatiboa
erabiltzen da, ikertzaileak fenomenoaren ikuspegi orokorraren inguruan dituen
zalantzak argitzeko. (Gallart 1992)
Modu zabal baten, beraz, triangelaketa metodologikoaren sendotasun nagusia
ikertzaileek lortutako emaitzen fidagarritasun handiago baten datza. Hurreratze
desberdinekin ondorio berdinetara helduz gero, interpretazioen balioa indartzen da,
ikerketaren errealitatearen ulertze handiago bat egonaz.
1.3.3 Ikerketa motak
Ekonomia Lankidetza eta Garapenerako Erakundeak (ELGE 5 ) argitaratutako
Frascatiren Eskuliburuak 6 zehazten duen bezala ikerketa proiektu hau Oinarrizko
5 Ekonomia Lankidetza eta Garapenerako Erakundea (ELGE) 1961. urtean sortu zen, eta Parisen du
egoitza. Gaur egun 30 herrialde dira bertako kide, demokrazia eta merkatu ekonomia sustatzen dutenak,
ondoko helburuekin: ekonomiaren hazkuntza iraunkorra, enpleguaren hazkuntza, bizi-kalitatearen
hobekuntza, finantza egonkortasunari eutsi, beste herrialdeen garapen ekonomikoan lagundu, eta
Bioteknologia enpresak sortzeko eragile erabakigarriak Euskal Autonomia Erkidegoan