Enpresa bioteknologikoak sortzeko eragile erabakigarriak ... - Euskara

6. Kapitulua: Prozesu ekintzailea bioteknologia sektorean 292
eskatzen dela, baina orokorrean aukera itzelak daude sektorean.” (Marcos
Simón, DRO Biosystems, 2007-02-15)
Bioteknologia enpresa sortzen den momentutik, garrantzitsua da hazkuntza
estategiak planteiatzea. Geroz eta proiektu handiagoetan sartzea bilakaera logiko baten
emaitza bezala ikus daiteke. Gainera, bioteknologia ekintzaileek argi dute sektorearen
espezializaio maila altuagatik erabakigarria izango dela etorkizunean hazi ahal izateko
beraien artean kooperatzea eta proiektuetan parte hartzea:
“Ibiltzen naizen foro guztietan proiektuak azaltzen dira eta energia
edukitzea besterik ez da behar elur bola hori geroz eta handiago egiteko.
Tamaina handiagoko proiektuak agertzen dira eta horretarako garrantzitsua
da arreta mantentzea, behatzea. DRO Biosystems-en kontsolidazio eta
hazkuntzan hautematen dut ez dela soilik DRO Biosystems-ena izango,
beste enpresa batzuekin proiektuetan parte hartuz kontsolidatu eta haziko
baita enpresa.” (Marcos Simón, DRO Biosystems, 2007-02-15)
Hala ere, kantitate aldetik balorazio onak jaso arren administrazioatetik datozen
laguntza ekonomikoak, bio-ekintzaileek kalitate aldetik arazoak atzematen dituzte arlo
honetan, batez ere gehiegizko burokraziak eta epeen aldetik sortzen dira hauek.
Laguntza hauen tramitatze metodoa pisutsua eta batez ere geldoa da. Konplexua izaten
da I+G proiektuak proposatzea enpresa sortu berria denean, proiektua martxan jartzeko
beharrezkoa delako diru hori eta diru-laguntza proiektuaren amaieran heldu ohi da,
beraz, proiektua martxan jartzearen erabakia hartu behar dute bio-ekintzaileek diru-
laguntza iritsiko den jakin gabe, modu honetan ziurgabetasun egoeran aurkituz. Gainera,
kontuan hartu behar da ezin daitekeela dependentzia osoa izan laguntzekiko, bestela ez
baita onartzen proiektua 116 .
Finantzazio publikoak lagun dezake proiektu bat hobeago edo azkarragoa izatea
eta ez bada jakiten garaiz noiz iritsiko den laguntza ekonomiko hori, proiektuaren
irismenean edo asmoan eragin negatiboa izan dezake, epe luzera kaltegarria izanaz
bioteknologia enpresentzako. Bio-ekintzaileek laguntza horiek ustegabekoak bezala
kontsidetzen dituzte baina heltzen direnean esplotazio kontuan asko laguntzen dute.
Burokrazia hau kontrapartida moduan ikusten dute bio-ekintzaileek, proiektuen
kudeaketa administratiboari denbora asko eskaini behar diote baina kanpo finantzazioa
lortzeko bide bakarra izaten da kasu askotan. Enpresa sortu berria denean bio-
116 Administrazioen kriterio bat izan ohi da proiektu bat martxan jartzeko diru laguntza beharrezkoa
denean, nahikoa izatea arrazoi hau ez onarzteko diru-laguntza.
Bioteknologia enpresak sortzeko eragile erabakigarriak Euskal Autonomia Erkidegoan