Enpresa bioteknologikoak sortzeko eragile erabakigarriak ... - Euskara

3. Kapitulua: Bioteknologia industriaren nazioarteko egoera 165
Bioteknologia enpresa berritzaileak batez ere hiru probintziatan daude
konzentratuakk: Quebec, Ontario eta British Columbia. Hiru probintzia hauek
bioteknologia enpresen %70 barneratzen dituzte. Tendentzia hau mantendu egin da
azken urteetan ez delako egon aldaketa nabarmenik. Aipagarriena agian hiru probintzia
hauen ostean Prairie-ko zonaldeak (Alberta, Saskatchewan eta Manitoba) izandako
garapena, 1997 eta 2003 urteen bitartean bioteknologia enpresa berritzaileen kopurua
bikoiztu baitu, 44 enpresa izatetik 99 izatera pasa da eta (3.12 taula).
3.12 taula
Bioteknologia enpresa berritzaileen kokapen geografikoa
Kopurua Portzentajea Hazkuntza (97-03)
Quebec 146 %30 %23
Ontario 129 %26 %15
British Columbia 91 %19 %22
Alberta 44 %9 %39
Saskatchewan 34 %7 %30
Atlantic 25 %5 %8
Manitoba 21 %4 %58
Kanada 490 %100 (b.b.)%21
Iturria: Statistics Canada
3.4.3 Profil finantzarioa
3.4.3.1 Sarrerak
Bioteknologia erabiliaz garatutako produktuak edota prozesuak merkaturatu ahal
izateko zertifikazio eta erregulazio prozesu bat gainditzea ezinbestekoa da. Horrela,
bioteknologia enpresak prozesu horrek irauten duen bitartean ezin izango ditu jarduera
horretatik diru-sarrerak lortu. Horregatik, oso garrantzitsua da aztertzea bioteknologia
enpresek dituzten diru-sarrerak, batez ere bioteknologia jardueratatik datozenak, kasu
askotan bioteknologia enpresek bioteknologiarekin zerikusia ez duten jarduera batzuk
aurrera eramaten baitituzte sarrerak lortu ahal izateko, prozesu horrek irauten duen
bitartean.
Bioteknologia enpresak sortzeko eragile erabakigarriak Euskal Autonomia Erkidegoan