Enpresa bioteknologikoak sortzeko eragile erabakigarriak ... - Euskara

4. Kapitulua: EAEko biozientzia enpresen sorrera XXI. mendean 225
• Helburu bateragarriak Administrazioan: Eusko Jaurlaritza eta Foru
Aldundiek enplegua eta sektore berriak sortzeko helburua dute, osasun
ikerkuntzaren hobekuntzaz gain.
BioBasque 2010 estrategiak honako bisio, misio eta helburu zehatzak
barneratzen ditu:
Bisioa: biozientzietan arituko den enpresa jarduera finkatzea, nazioartean
ezagutuko dena, eta lana eta aberastasuna sortzeaz gain, bizitzeko kalitatea hobea
sustatuko duena.
Misioa: Euskal Herrian biopolo bat sortzea. Biopoloak ezaugarri hauek izango
ditu: batetik, nitxo batzuetan masa kritikoa izatea (bikaintasun-ikerketa); bestetik,
gaitasuna izatea emaitzak ustiatzeko eta produktu eta zerbitzu berriak
komertzializatzeko; eta azkenik, Europako Ikerketa Esparruan (ERA) kokatzea.
Helburu zehatzak: Industri sarea dibertsifikatzea, 40 enpresa berri sortzea eta
3.000 lanpostu sortzea, zuzenak eta zeharkakoak. Lanpostu hauek honako hauetatik
eratorriko dira: enpresa berrietatik, lehendik dauden enpresen dibertsifikazio
estrategietatik eta bizitzaren zientziekin aurrez konektatu gabekoetatik.
Horrela BioBasque 2010 honako ardatz estrategikotan egituratzen da:
• Jakintzaren sorrera: Produktu, prozesu edo zerbitzu bihur daitezkeen
ideia eta gaitasunak etengabe osatzen joateko.
• Enpresa-garapena: Estrategiaren azken helburuak arreta espezifikoa
eskatzen du; izan ere, oinarri zientifiko-teknologiko on batek berez ez du
bermatzen lortutako emaitzak enpresan aprobetxatzea.
• Sektorearen dinamizazioa: Hainbat elementuren eta biopolo harmoniko
eta lehiakorra osatzen duen eremuaren arteko harreman-sarea lortzen
saiatzen da.
• Gizarte-dimentsioaren integrazioa: Biozientzia eta bioteknologia
arloetan egindako aurkikuntzak eta aplikazioak gizartearekin
konpartitzea ezinbestekoa da.
Enpresa sektore berri bat sortzeko helburuarekin interes ezberdinak jaso, dauden
baliabideak aprobetxatu eta beharrezko elementu guztiak bilduz sinergiak kudeatzeko
filosofia jarraitzen du BioBasque 2010 estrategiak. Gainera estrategiaren eragin
katalizatzaileari eta hainbat erakunderen beste ekimen osagarriei esker hainbat jarduera
eraman dira aurrera: enpresa sorketa, I+G proiektuen bultzatzea (banakakoak eta
lankidetzakoak), bio jarduerak egitea Teknologia Elkartegietan, lankidetza akordioen
Bioteknologia enpresak sortzeko eragile erabakigarriak Euskal Autonomia Erkidegoan