Enpresa bioteknologikoak sortzeko eragile erabakigarriak ... - Euskara

6. Kapitulua: Prozesu ekintzailea bioteknologia sektorean 283
bioteknologia enpresa berria sortzerako orduan. Aukera berria identifikatzerako orduan
batez ere:
“Nire ibilbide profesional osoan zehar farmazia kalitatean jardun
dut, farmazia eta bioteknologia enpresetako zuzendaritza postuetan.
Esperientzia hau beraz, enpresa berri honen diseinu, lokalizazio, eraikitze
eta abiaraztean erabakigarria izan da.” (Justin Barry, Midatech Biogune,
2007-06-07)
Kudeatzaile edo zuzendari moduan esperientzia izateak ere berebiziko
garrantzia izaten du enpresa bat sortzeko orduan. Beste arlo garrantzitsu bat
osagarritasuna aurkitzean datza, ekintzaile edota zuzendaritza taldean zientzia eta
enpresa profildun pertsonekin. Normalean zientzia profileko ekintzaileek, tekno-
ekintzaileek, ez dituzte barneratuak kudeaketa ezagutza orokorrak, ezezaguna zaielako
alderdi hori. Horrela bi esperientzia kontrajarri alderatu daitezke, lehengoa Guserbiot
enpresaren kasua da, non aurretik izandako esperientzian oinarrituta sortu zen enpresa,
inongo oinarri zientifiko gabe:
“Guserbiot bioteknologia enpresa sortzeko erabat erabakigarria izan
zen kimika sektoreko enpresa baten zuzendari bezala hogei urtetan
jardutea.” (José Luis Gutiérrez, Guserbiot eta A&B Laboratorios de
Biotecnología, 2007-02-06)
Bigarren kasuan, Datagene enpresa, aldiz, oinarri zientifiko altuarekin baina
inongo enpresa esperientzia gabe sortu zen bioteknologia enpresa da:
“Datagene sortu genuenean, 1997. urtean, ikerketa esparrutik
gentozen eta kalitate altuko publikazioak genituen. Ondorioz, negozio
aukera ona identifikatu ahal izan genuen. Baina gauza ez da negozio ideia
ona izatea soilik, diziplina anitzeko taldea izatea baizik. Ekintzailea
ikertzailea bada, enpresa gaietan laguntza beharko du, hau da, zenbakietan
batez ere. Negozio plana lehengoz egin nuenean ezin nuen baieztatu enpresa
nola egongo zen hiru urte barru, gezurretan ibiliko nintzelako, zientzia
horrela da, hipotesi bat duzu baina konprobatzen ez duzun arte ezin da ezer
baieztatu. Beraz, osagarritasuna aurkitzea garrantzitsua da oso eta gaur egun
pertsona gehiago daude bi mundu hauetaz ulertzen dutenak (enpresa eta
zientzia). Arazo asko izan nituen lehenengo kontsultorearekin ulertzera
heldu ginen arte, hau da, “hizkuntza” berdina hitzegiten hasi ginen arte.
Enpresa eta zientziaren munduak oso ezberdinak dira eta hizkuntza guztiz
Bioteknologia enpresak sortzeko eragile erabakigarriak Euskal Autonomia Erkidegoan