Enpresa bioteknologikoak sortzeko eragile erabakigarriak ... - Euskara

1. Kapitulua: Ikerketaren sarrera 21
Gainera, 2006ko apirila eta maiatza bitartean Montreal (Kanada) hiriko HEC
Montreal 21 negozio eskolan hilabeteko egonaldia egin zen. Bertan, Kanadako
bioteknologia sektoreko datuak bildu ziren alde batetik, eta bestetik Laval Scientific and
High Technology Park-eko Quebec Biotechnology Innovation Center (QBIC 22 )
bioinkubatzailea bisitatu zen, zuzendariarekin eta bertako bi enpresa
bioteknologikoetako ekintzaileekin elkarrizketak eginez (BioLactis eta BioQuadrant).
Bestalde, Université de Québec à Montréal (UQAM 23 ) barnean dagoen
teknologia kudeaketaren katedrako ikertzaile nagusia den Jorge Niosi 24 doktorearen
laguntzaz, ikerketa proiektu honetarako erabili den galdetegia egokitu zen, autore honek
egindako ikerketak oinarritzat hartuta (Niosi, 2003). Niosi doktoreak ELGEko
galdetegia erabili zuen, erakunde honek jardun baitu gehien bioteknologia estatistiken
definizioan eta bilketan.
Horrela, biozientzien esparrua oso zabala zela ikusita eta bertako enpresak
heteregeneoak, ikerketa proiektuaren bigarren faseko objektua enpresa
bioteknologikoetara soilik mugatu zen. Beraz, behin helburuak eta hipotesiak definituta
elkarrizketa eta datu bilketaren bigarren fase honi ekin zitzaion 2007ko otsailean,
BioBasque Agentziko Koordinatzailea den Maria Aguirrerekin batera enpresa
bioteknologikoak zehaztu ondoren, 20 enpresa guztira. Bigarren fase honetan alderdi
kuantitatiboa (ELGEren metodologian oinarritutako galdetegia 25 ) eta kualitatiboa
(elkarrizketa erdi-egituratuak) landu dira.
Datu bilketa egiteko erabili den galdetegiak bi alderdi nagusi ditu: ekintzailea eta
enpresa. Ekintzaileari dagokion atalean profil demografikoa, motibazioa, formakuntza,
esperientzia eta talde ekintzailearen inguruko datuak bildu dira. Enpresa atalean ELGE
21 HEC Montreal Kanadan sortutako lehen kudeaketa-eskola izan zen 1907. urtean. Gaur egun 12000
ikasle ditu (%24 atzerritarrak) eta 35 programa eleanitz (ingelesa, frantsesa eta gaztelera) ditu kudeaketan,
lizentziatura eta doktoretza barne. Ikerketari dagokionez, 40 katedra eta ikerketa zentro zein talde
aurkitzen dira bertan.
22 Quebec Biotechnology Innovation Center (QBIC) irabazi asmorik gabeko erakunde pribatua da, 1995.
urtean sortutakoa. Bioteknologian espezializatutako inkubatzailea da eta Laval Scientific and High
Technology-n dago kokatuta, Montrealeko bioteknologia eta giza osasun hiriaren erdian hain zuzen ere.
Bertako misioa bioteknologia enpresa berriak bultzatzean datza, osasuna, ingurugiro, nekazaritza eta
basogintza industriatan espezializatutakoak. Randall M. Whaley Incubator of the Year saria jaso zuen
2002. urtean, lehen inkubatzaile ez amerikarra izanaz sari hau jasotzen.
23 Université de Québec à Montréal (UQAM) hizkuntza frantsesezko unibertsitate publikoa da, 41000
ikasle ditu, eta horietako 15000 TELUQ urrutiko hezkuntzarako unibertsitatean daude matrikulatuak.
24 Jorge Niosi doktorea politika teknologikoa eta teknologiaren kudeaketaren Kanadako katedraren
irakasle titularra da. Besteak beste 14 libururen autore edota editorea, 40 liburutako kapituluren autorea,
eta 50 ikerketa arikuluren egilea, Kanadan eta atzerrian publikatuak izan direnak. Azken urteetan
bioteknologiaren industrian oinarritu ditu ikerketa berriak.
25 ELGE galdetegia eredu hartu da enpresa datuak biltzeko. Ekintzailearen datuak biltzeko galdetegia
diseinua autoreak egin du.
Bioteknologia enpresak sortzeko eragile erabakigarriak Euskal Autonomia Erkidegoan