Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 105
3) Prozesu ekonomikoak: Merkatuko proposamen eta beharrizanen
etengabeko elkartzea eskariarekin, horretarako barne pizgarriak sustatuz
zuzendaritzaren aldetik, berrikuntza modu azkar eta egoki baten gauzatu
dadin.
2.6.3 Jarduera berritzaileen baldintzatzaileak
Ondorengoak kontsideratzen dira jarduera berritzaileen baldintzatzaile gisa:
A. Ziurgabetasun eta arriskuaren kudeaketa: Hasierako ikerketetan ezinezkotzat jotzen
zen kudeaketa hau. Hala ere, Schumpeter-ek adierazi zuen ikuspegi hori ez zela
egokia, berrikuntza fenomeno konplexu bezala ulertzen baitzuen eta hiru alderdi
kontuan hartuz gero ekin ahal zaiola baieztatu zuen: berrikuntza proiektu guztien
dute berezko ziurgabetasuna; lehiakideak baino azkarrago mugitzeko beharra
(lehena izateak dakartzan mozkin ekonomikoak lortzeko); eta gizartean gailentzen
den erresistentzia endogenoa edo inertzia ekintza forma berrien gainekoa.
B. Teknologiaren transferentzia eta xurgatze ahalmena: Berrikuntzaren ezaugarri
nagusienetakoa ideia, ahalmen, trebetasun eta baliabideen konbinazioetan
oinarritzen dela da. Horrela, sistema baten faktore hauen kopurua geroz eta
handiagoa izan, handiagoa izango da konbinazio hauek berrikuntza berriak sortzeko
ekarriko dituzten aukerak. Kanpotik datorren ezagutza xurgatzeko ahalmena izan
behar dute enpresa berritzaile handi eta txikiek (Cohen eta Levinthal 1990).
Xurgatze prozesu hauek teknologia transferentziaren barnean finkatzen dira, era
formal edo informal baten gerta daiteke transferentzia hau.
C. Erakundearen memoria: Enpresaren oinarrizko ezagutza garatzerako orduan modu
inkremental baten egiten da, enpresa ezagutza espezifikoaren izaera metatua
isladatuz. Hitzen bitartez sortzen den ezagutza hori praktikaren ondorioz
erreproduzitzen diren “errutinak” dira, erakundearen memoria izatera pasatuz
(Nelson eta Winter 1982). Erakundearen egiturak eta oinarrizko ezagutzak
koeboluzionatu egiten dute enpresaren eguneroko operazioak erraztuz. Marko honek
enpresaren barnean komunikazioa eta interakzioa errazten du, baina aldi berean
arriskutsua izan daiteke ezagutza berria xurgatzerako orduan kanpotik, batez ere
ezagutza berri honek dagoen markoari desafio egiten badio (Lopez 2005). Nelson
eta Winter-en lana inspirazio iturri izan da “ezagutzan oinarrituriko enpresa”,
“teknologia erregimenak” eta “dinamika industrialak” bezalako gaien inguruan egin
hainbat ikerketa egin da.
Bioteknologia enpresak sortzeko eragile erabakigarriak Euskal Autonomia Erkidegoan