Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 77
Horrela, eskualdeak enpresak sortzeko duen ahalmena kontuan hartzeaz gain,
beste herrialde eta nazio barneko eskualdek dutenekin alderatzea egiten da eta Araba,
Bizkaia eta Gipuzkoan bizi diren ekintzaileen errealitatea egiaztatzen dute txosten
hauek. Prozesu ekintzailea definitzeko GEM-ek ondoko proposamena luzatzen du (2.9
irudia).
2.4.2 Jarduera ekintzailea eta enpresa dinamika Euskal Autonomia Erkidegoan
Euskadiko jarduera ekintzaileari dagokionez nazioartean, GEM 2005eko datuek
aditzera eman dutenez, biztanle helduen (18-65 urte bitartekoak) %5’44ak zerikusia
dute sorrera fasean dauden enpresen kudeaketan, hau da, 42 hilabetez azpiko
enpresetan. Gorantz egin du adierazle honek 2004ko datuekin alderatuz gero (%5’29)
eta 2005eko datuaren oso antzekoa da (%5’4).
2.1 taula
Jarduera ekintzailea EAEn
% 2004 2005 2006
Enpresa sortu berriak 1’40 1’96 2’16
Enpresa berriak 3’92 3’53 3’29
TEA 34 (%) 5’29 5’4 5’44
Iturria: GEM EAE (2006)
Ekintzaile gisa kontsideratzen dira enpresa baten sorketa prozesuan parte hartu
duten jabe eta jabekide adin nagusikoak (18-65 urte) eta merkatuan iraun dutenak 0 eta
42 hilabete bitarteko epean. Enpresa sorketaren faseko jarduera ekintzailean (TEA) bi
aldagai definitu daitezke: enpresa sortu berriak eta enpresa berriak.
Enpresa sortu berriak 3 hilabetez azpikoak dira eta enpresa berriak aldiz, 3 eta
42 hilabete bitartekoak, soldata bat ordaintzen den momentutik hasten da denbora
kontabilizatzen.
Enpresa dinamikaren barnean, enpresa kontsolidatuak, enpresa edo negozioak
dituzten biztanlego helduaren portzentajea dira, jarduera horrengatik ordaindutako
34 Total Entrepreneurial Activity: jarduera ekintzailea soldata baten truke gauzatu duten pertsonen
portzentajea.
Bioteknologia enpresak sortzeko eragile erabakigarriak Euskal Autonomia Erkidegoan