Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 69
• I+G kudeaketa eta planifikazio teknologikoa formalki gauzatzen dutela
baieztatzen dute OTEB gehienek.
• Aurkitutako sarrera hesiak ondorengoak dira: merkatua (%31); teknologia
(%25); finantzak (%20); esperientzia (%18); kalitatea (%3); giza-baliabideak
(%3). (Ezagutzaren Klusterra 1999)
Gainera, aipatutako Ezagutza Klusterraren ikerketan autoreek eta beste hainbat
adituk ondorengo faktoreak jotzen dituzte erabakigarritzat enpresa mota hauen
biziraupenerako:
• Behar adinako merkatu erreal eta identifikatua izatea.
• Sektorean sartzen den produktu edo zerbitzuaren berrikuntza maila.
• Eskaintzen den teknologia, prozesu edo produktu/zerbitzuaren menperatze
sakona eta erreala.
• Sektorean edo jardueran aurretiazko esperientzia tekniko eta komertziala
izatea.
• Baliabide propio, pertsonal eta familiarretan oinarritzea hasierako
finantzazioa.
• Proiektuaren bideragarritasun ekonomiko eta finantzarioa egin ostean
negozio planaren errealizazioa.
• Lehen faseetan kudeaketa eta teknologia mailan zentro baten babesa izatea.
(Ezagutzaren Klusterra 1999)
Teknologia maila altua duten sektoreak definitzeko zailtasunak izan ohi dira,
baina normalean elementu zehatz batzuekin neurtu daitezke: turbulentzia, ziurgabetsuna
eta I+G inbertsioa. Sektore hauen ezaugarri nagusia turbulentzia da, gainontzeko
sektoreekin alderatuz, aldaketen tamaina eta abiadura handiagoak dira eta konplexua da
epe laburrera izan ditzaketen eragina eta norabidea zehaztea. Beraz, gaur egun
teknologian lidertza duten enpresak ez dute zertan etorkizunean posizio hori
mantentzen. Bestalde, teknologia eta merkatuaren ziurgabetasuna aipatzekoak dira,
teknologiak, merkatuak imajina ez ditzakeen aukera berriak sortu ditzazke, bezeroen
beharren identifikazioa ekidinez eta gainera, behar horiek identifikatzen direnean zaila
da jakitea teknologia berriak beharrak asetzeko gai izango den. Beste sektoreen
salmenten gaineko I+G inbertsioa baino altuagoa izaten dute eta langileen kualifikazio
maila ere altua izaten da, zientzialari gehiago egonaz enpresa mota hauetan.
Bioteknologia enpresak sortzeko eragile erabakigarriak Euskal Autonomia Erkidegoan