Enpresa bioteknologikoak sortzeko eragile erabakigarriak ... - Euskara

4. Kapitulua: EAEko biozientzia enpresen sorrera XXI. mendean 211
4.1 irudia
Zientzia, teknologia eta berrikuntzarako politikaren bilakaera EAEn
Iturria: Eusko Jaurlaritza (2007)
4.3 BIOZIENTZIA ENPRESAK SORTZEKO FAKTORE ERABAKIGARRIAK
Bigarren kapituluan egin den literaturaren azterketan aipatu den bezala
biozientziak eta bizitza-zientziak bioteknologia kontzeptua bera baino zabalagoak dira
baina oso erlazionatuta daude elkarren artean. Emaitzen lehen kapitulu honetan
biozientzia enpresak sortzeko faktore erabakigarriak aztertuko dira.
Europako Batzordeak argitaratutako politika txostenetan bioteknologia eta
bizitza-zientziak batera azaldu ohi dira (adibiderako 2000. urtean argitaratu zen
European Strategy on Life Sciences and Biotechnology of the Europen Commission).
Bizitza-zientzien ikerketan teknologia garrantzitsu bat da bioteknologia eta ikerketaz
aparte garapena eta produkzioa bezalako beste testuinguru batzuetan ere erabiltzen da
bioteknologia.
Bioteknologia eta bizitza-zientziak sistema gisa ulertzen dira non erlazio sakona
dagoen ikerketa, berrikuntza eta lehikortasunaren artean. Garrantzi berezia du enpresa
mota hauen sorketak, bizitza-zientzietako teknologia aurreratuak ustiatzeko helburua
dutenak, industri-maila ezberdinetako beharrizanei erantzun egoki bat emateko asmoz.
Bioteknologia enpresak sortzeko eragile erabakigarriak Euskal Autonomia Erkidegoan