Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 124
Herraminta, zerbitzu edo informazioan oinarritutako negozio-eredua dago
azkenik. Produktu ereduarekin alderatuz gero kontrajarria dena, kostu gutxiago eta
garapenerako denbora laburragoa ematen da baina mozkin-marjina aldi berean estuagoa
da. Eredu honetan lehia handiagoa dago eta epe laburrera sortzen dira etekinak,
garapenak ez batira jabetza intelektualen ondorioz egiten, marketing eta negozio
garapenean oinarritzen direlako gaitasunak, ikerketan oinarritu beharrean.
A. Farmazia enpresak
Farmazia sektorea guztiz kontzentratua dago, hamar enpresa bakarrik aurkitzen
dira 10.000 milioi euroko salmenta zifraren (2.11 taula).
Pfizer da sektoreko lider nagusia baina lehiakideekiko distantzia nabarmen
laburtu da azken urtean. Lehenik eta behin salmentak %4 jaitsi direlako Pfizer-en eta
bestetik jarraitzaileek, Sanofi-Aventis eta GlaxoSmithKline, gorakada nabarmena izan
dutelako, %15 eta %8 hurrenez hurren (Contract Pharma 2006).
Farmazia enpresen erosketa eta fusioak %200 baten hazi dira azken 8 urteetan,
operazio hauen balorea 231.000 eurotakoa izan da (Cotec 2006). Fusio hauen bitartez,
garapen bidean dagoen enpresak, merkatu kuota handitzen du eta produktu kartera
handiagotu, I+G gastua eta garapen berrien arriskua handituz. Beraz, farmazia
industriak produktu berriak merkaturatzeko duen presioarekin, farmazia eta
bioteknologia enpresen arteko aliantzak bultzatzen dira. Farmazia enpresa barnean
garatutako produktuen portzentajea asko jaitsi da azken hiru hamarkadetan, aldi berean,
bioteknologia enpresetatik geroz eta botika gehiago sortu dira. Horrela, Deloitte
Research-ek egindako ikerketa batek farmazia eta bioteknologia enpresen arteko
aliantzen hazkuntza nabarmena azpimarratzen du, 1993 eta 2004 urteen bitartean, 69 eta
502 izan baitira hurrenez hurren, 7 aldiz gehiago alegia (Deloitte Research 2005).
2.11 taula
Farmazia enpresen salmentak 2005
1. Pfizer 44.284 M$
2. Sanofi-Aventis 34.013 M$
3. GlaxoSmithKline 33.976 M$
4. Johnson & Johnson 23.950 M$
Bioteknologia enpresak sortzeko eragile erabakigarriak Euskal Autonomia Erkidegoan