Enpresa bioteknologikoak sortzeko eragile erabakigarriak ... - Euskara

7. Kapitulua: Ondorioak 319
Hipotesi orokorra: “Enpresa bioteknologikoen lehiakortasunak, bertako
ekintzaileek duten profil egokiak eta dagoen ingurune lagungarriak, Euskal
Autonomia Erkidegoan bioteknologia enpresa berriak sortzea ahalbideratzen
dute.” BAIEZTATUA
Horrela, etorkizunean EAEn bioteknologia sektore lehikorra izateko
beharrezkoak izango dira ondorengo puntuak:
• Superespezializazioa beharrezkoa da bioteknologia sektorerako, eta horretan
administrazioak paper garrantzitsua du, jarduerak zuzentzean alegia. Modu horretan
merkatuan dauden nitxoei erantzuteko gai izango dira ideia eta proiektu berriak.
• Ezinbestekoa izango da EAEko enpresen nazioartekotzea gauzatzea ondorengo
urteetan, emaitza eta ondorioetan azpimarratu den bezala, mundu mailako sektorea
baita eta garapen bidean dauden herrialdeak iada bat egin dutelako bioteknologia
sektorearekin, India eta Txina kasurako.
• Lehiakortasuna lanerako grina eta asmoak betetzeko gogoarekin lortzen da eta
ilusioa gehituz, OTEBak sortzeko garai ezinhobean aurkitzen da Euskal Autonomia
Erkidegoa.
7.6 ETORKIZUNERAKO IKERKETA ILDOAK
Doktorego tesi honen helburu nagusia oinarri teknologikoko enpresa
berritzaileen gaineko ikerketan lehen pasuak ematea da, bereziki biozientzia eta
bioteknologia enpresak aztertuz, azken urteetan EAEn gauzatu den gertakari berri hau
argitaratu nahiarekin.
EAEko bioteknologia sektorea gaztea da ondorio erabakigarriak ateratzeko.
Horregatik, bioteknologia enpresak garapen eta hazkuntza fasean sartzen direnean,
garrantzitsua izango da hazkuntza azkarra izan duten enpresen faktore erabakigarriak
identifikatzea eta aztertzea. Horregatik, etorkizunera begira, egindako ikerketa lanarekin
jarraitu nahi da eta hainbat ildo identifikatu dira:
1) Hazkuntza azkarreko produktu nitxoen identifikazioa: Bioteknologia
produktuak eta merkatuak ez dira modu berean sortzen eta garrantzitsua da
eskariaren faktoreak kontuan izatea berrikuntza eta hazkuntza planteatzeko
garaian, produktuek sor ditzaketeen merkatuen ikuspuntutik.
2) Nazioarteko merkatuen identifikazioa: Sarrerak maximizatzeko bide
egokiena da mundu mailako merkatuetara zuzentzea. Hemen ere eskariaren
Bioteknologia enpresak sortzeko eragile erabakigarriak Euskal Autonomia Erkidegoan