Enpresa bioteknologikoak sortzeko eragile erabakigarriak ... - Euskara

6. Kapitulua: Prozesu ekintzailea bioteknologia sektorean 296
faktore bereizle bat dela argi dago.” (Silvia Avila eta Jose Luis Castrillo,
Genetadi Biotech, 2007-06-18)
Teknologia elkartegietan bio-ekintzaileek aurki ditzaketen baliabideak, medioak
eta laguntzak, bioteknologia enpresak sortzeko bertan ingurunea mesedegarria egotea
eragiten du:
“Inkubatzailean eta teknologia elkartegian kokatua egotea oso ona
dela hautematen dut. Gure moduko enpresak baldintza lasaigoetan sortzeko
esfortzua egiten ari dela nabaria da. Enpresa sortu nahi nuenenean, 2000.
urtean, teknologi elkartegian sartu nahi nuen inkubatzailetik pasa gabe (BIC
Berrilan), baina ez zen posible. Oinarri teknologikoko enpresak erakartzeko
egindako esfortzua handia izan da, eta horrek teknologia elkartegiak
eskaintzen dituen indarguneei etekina ateratzeko aukera ematen dio
bioteknologia enpresa bati. Gainera azpiegitura fisikoez gain, proiektu
berrietan parte hartu ahal izateko kontaktu sare ezberdinetara sarrera
errazten dute.” (Marcos Simón, DRO Biosystems, 2007-02-15)
6.5.3 Unibertsitate eta ikerketa eta teknologi zentroak
Unibertsitate, ikerketa eta teknologi zentro eta enpresen artean distantzia handia
egoten da eta hain zuzen ere hori jorratu da elkarrizketatutako bio-ekintzaileekin.
Enpresaren sorketan erakunde hauek zein modutan eragin duen galdetu zaie.
Unibertsitateak paper garrantzitsua jokatu du kasu konkretu batzuetan, bereziki
jatorri akademikoa duten bioteknologia enpresetan. Beste kasu batzuetan aldiz,
teknologiaren transferentzian arazoak atzematen dituzte bio-ekintzaileek, jabetza
intelektuala edo industriala kudeatzerako orduan batez ere. Unibertsitateak dituen
malgutasun arazoek akordioetara iristea zailtzen baitie bioteknologia enpresei.
Ikerketa eta teknologi zentroak erabilgarriak dira bio-ekintzaileentzat.
Ikerketarako azpiegitura nahikoa izatea zaila izaten baita bioteknologia enpresa baten,
beraz, mota honetako erakundeetara jo behar izaten dute egoera askotan:
“Hasiera baten ikerketarako azpiegitura bat sortzeko gai izango
nintzela uste nuen, makinaria eta ikertzaile propioekin, baina inbertsio hori
gauzatu baino lehen konturatu nintzen ez zuela zentzu handirik, gehiegizko
ikerketa ahalmenarekin denboraren portzentaje handi bat galduko
genuelako. Ziur nago etorkizunean kolaborazio asko erabiliko ditugula
Bioteknologia enpresak sortzeko eragile erabakigarriak Euskal Autonomia Erkidegoan