Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 67
Ekintzailea ez da soilik pertsona atsekabetua, egoera askotan enpresa sortzea
beste irtenbiderik ez du izango, gizartearen baztertzea ematen baita kasu askotan.
Gizarte-baztertzearen motibazioaren adibide garbiak dira AEBetako Vietnamdarrak;
Floridako kubatarrak; edo Erresuma Batuko hinduak.
Push faktoreek motibaturiko enpresa sorketari buruzko ondorioztapena egiten du
Angulok (2000): “motibazio hau arazo pertsonal baten soluziobide dramatikoa da.
Ondorioaz, litekeena da enpresa sortzea, ekintzaileak egoera horretan ez baitu asko
galtzeko. Baina, hala ere, normalean, aukeratutako jarduerak autoenplegura daude
zuzenduak, sektore helduetan aurkitzen dira eta hazkunde potentzial oso baxua dute.”
2.3.3 Oinarri teknologikoko enpresa berritzaileen sorrera
2.3.3.1 Definizioa eta ezaugarriak
Ikerketa proiektu honen xedea bioteknologia enpresen sorrera aztertzea denez,
ezinbestekoa da oinarri teknologiko enpresa berritzaileen (Hendik aurrera OTEB)
sorreraren inguruko literaturaren azterketa egitea. OTEBen sorrera prozesuak aztertzeko
beharra agertu da azken urteetan, batez ere eskualdeen garapenean duen eraginagatik.
Gaur egun ekonomien ahalmenak ez daude esklusiboki iada existitzen diren
enpresen berrikuntzen menpe, neurri handi baten OTEBen sorrerak eragina du ahalmen
horretan. Ikerketa asko egin dira OTEBak ekonomian duten papera aztertzeko,
ondorengoak izanik aurkikuntza nagusienak gainontzeko enpresekin alderatuz:
enplegueren batazbesteko hazkuntza altuagoa da (Storey eta Tether 1998, Mustar et al.
1995), biziraupen ratioa ere handiagoa da (Delapierre et al. 1998), eta hazkuntza
azkarragoa dute kopuru aldetik (Chiesa eta Piccaluga 2000). OTEBen definizioa oso
zabala izan liteke eta horregatik zaila da ikerketak gauzatzerako orduan, ez direlako
populazio homegeneoa eta merkatuaren ziurgabetasuneko testuinguruan ez dutelako
berdin jarduten (COM 2003-3).
OTEB bezala kontsideratzen dira produktu, prozesu edo zerbitzu berriak
sortzeko teknologia berrien sortzean edota erabilpenean jarduten dutenak, nahiz eta
teknologia batzuk guztiz garatuak ez egon (Storey eta Tether 1998), edo lehiakortasuna
mantendu ahal izateko jarduera ezagutza zientzifiko eta teknologikoaren menderatzean
oinarritzen duten enpresak (Sole Parellada 2002).
Bioteknologia enpresak sortzeko eragile erabakigarriak Euskal Autonomia Erkidegoan