Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 121
autore esanguratsu dago arlo honetan publikazio garrantzitsuekin (Freeman 1987,
Lundvall 1992, Nelson 1993, Patel eta Pavitt 1994 eta Metcalfe 1995).
Bestalde, teknologia zehatz baten garapena aurrera eramateko erlazionatzen
diren erakundeen 47 konzentrazio geografikoak izendatzeko “Eskualdeko Berrikuntza-
Sistema” edo “Kluster” kontzeptuak ere erabiltzen dira (Niosi eta Banik 2005).
Espaniar estatuko berrikuntza sistemaren lehen analisia Cotec Fundazioak 48 egin
zuen, eredu orokor bat proposatuz bertan (2.19 irudia). Urte batzuk beranduago,
sistemaren bilakaera ikusita, eguneratu egin da azterketa berri batekin baina eredu
orokorra mantenduz.
Berrikuntza prozesuaren funtsezko elementua da enpresa, merkatuari produktu
eta zerbitzuak eskaintzen dizkion ezinbesteko agentea hain zuzen ere.
Administrazio publikoa, berrikuntza eta I+Garen sistema publikoaren
antolaketaz arduratzen da eta berrikuntzarekin zerikusi zuzena edo zeharkakoa duten
alderdien agente erregulatzailea da.
I+Garen sistema publikoaren barnean, ikerketa eta garapen teknologikoaren
bidez ezagutza sortzen duten erakunde publikoak daude (unibertsitateak eta
ikerketarako organismo publikoak 49 ). Paper garrantzitsua betetzen dute erakunde hauek,
ezagutza sortzeaz gain ikerlarien formakuntzaz arduratzen baitira ia modu esklusibo
baten.
Erakunde euskarriak tipologia eta titularitate anitzeko erakundeez osatuak daude.
Enpresen jarduera berritzaileak errazteko funtzioa dute: I+Grako medio materialak eta
giza kualifikazioa, arazo teknikoak, kudeaketa, informazioa, zerbitzuak, etabar. Beraz,
erakunde euskarriak enpresen funtzio berritzailera zuzentzen dituzten baliabideen
osagarritzat hartu daitezke, hau da, zerbitzu aurreratuen erakunde gisa.
Azkenik, inguruko berrikuntzan zehazki jarduten ez duten osagaiak ditugu. Hala
ere, osagai hauek oso garrantzitsuak dira eraginkortasuna gehitzen dutelako, hauek gabe
ezinezkoa izango litzatekeelako berrikuntza. Hezkuntza-sistema, finantza-sistema,
merkatua eta gizarteak osatzen dute inguru hau (Cotec 2004).
47 Erakunde hauek honakoak izango lirateke: enpresa berritzaileak, ikerketa zentroak, unibertsitateak,
erakunde publikoak eta finantza-iturriak, besteak beste.
48 Enpresario talde batek enpresa izaerako erakunde bezala sortu zuten Cotec Fundazioa 1990. urtean,
berrikuntza teknologikoa eta teknologiarekiko gizartearen sentsibilitatea handitzeko asmoarekin.
Fundazioaren kide dira besteak beste IBM, Euskaltel, Zeltia, Acciona, Repsol YPF, Endesa, Union
Fenosa etabar bezalako enpresak.
49 Ikerketarako organismo publikoak, gazteleraz Organismos Públicos de Investigación (OPI) bezala
ezagutua.
Bioteknologia enpresak sortzeko eragile erabakigarriak Euskal Autonomia Erkidegoan