Enpresa bioteknologikoak sortzeko eragile erabakigarriak ... - Euskara

3. Kapitulua: Bioteknologia industriaren nazioarteko egoera 192
enpresa partaidetzak erabiliagoak baitira bertan. Orokorrean, enpresak galdu-irabazien
kontuaren kontra zorpetzen dira kreditua amortizatu ahal izateko, baina bioteknologia
spin-off eta start-up enpresen kasua oso bestelakoa da, lehen urteetan balio erantsia
produktu garapenaren bitartez sortzen baita, fakturazioa ez dagoen bitartean. Horregatik,
balio erantsi altuko bioteknologia enpresak sortzeko komenigarria da kredituen gain
beste finantza modu batzuk artikulatzea. Bioteknologia enpresak sortzeko enpresa
kapital ekarpenen bitartez finantzazioa eskaintzen duten erakundeen artean Genoma
España Fundazioa eta Seed Capital Bizkaia 72 aipa ditzazkegu.
3.6.3 Enpresa-sektorea
3.6.3.1 Bioteknologian jarduerak dituzten enpresen bilakaera
Bioteknologian jarduerak gauzatzen dituzten enpresen izaera askotariokoa izan
daiteke: enpresa teknologikoak, farmazia garapeneko enpresak, industria tradizionaleko
enpresak, energia enpresak eta zerbitzu eta merkataritza enpresak. Horregatik
beharrezkoa ikusi zuen ELGEk dedikazioaren arabera antolatzea. Genoma Españak
aurreko txostenetan erabilitako enpresa sailkapena aldatu egin da 73 , nazioarteko
estandareengandik gertuago egonaz sailkapen berria:
• Bioteknologia enpresak (BE): negozioaren zati handiena bioteknologian I+G+b
edo ekoizpen inbertsioak egitera bideratzen dituztenak dira.
• Merkataritza, zerbitzu eta industri enpresak (BIE): bioteknologian interesa
duten enpresak, bioteknologiarekin erlazionaturiko zerbitzuak eskaintzen edo
ekoizpen prozesuan bioteknologiak nolabaiteko balioa sortzen duenean.
(Genoma España 2007-1)
Bioteknologia sektorean jarduten duten enpresen kopurua 581ekoa izan zen
2006. urtean (216 BE eta 365 BIE) (3.29 taula). INEtik publikatutako azken estitistiken
arabera (2005) 477 enpresa unitate daude jardueraren bat dutenak bioteknologia
I+Gean. Orokorrean bioteknologia enpresen kopuru totalak (BE eta BIE) eboluzio
positiboa izan du 2000-2006 aldian, %50eko hazkuntzarekin (393 enpresa egotetik 581
egotera pasa da). Bioteknologia enpresak (BE), %166eko hazkuntza izan dute aldi
72 Seed Capital Bizkaia foru-baltzua da, Bizkaiako Foru Aldundiko Berrikuntza eta Ekonomia Sustapen
sailera atxikia, arrisku kapitaleko fondoa kudeatzeko helburua duena.
73 Bioteknologian erabat jarduten dute enpresak (BEJE), bioteknologian partzialki jarduten duten
enpresak (BPJE), bioteknologia enpresa-erabiltzaileak (BEE) eta bioteknologia zerbitzu enpresak (BEZ).
(Genoma España 2005)
Bioteknologia enpresak sortzeko eragile erabakigarriak Euskal Autonomia Erkidegoan