Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 138
2.10.6 Jabetza intelektuala
Biozientzien esparruan, jabetza intelektuala da aktiborik garrantzitsuenetakoa,
industriaren balioaren erdia suposatzen baitu. Patente bidezko babesak denbora batez
esplotazioa ahalbideratzen du inongo lehiakiderik gabe, horrela I+Gko jarduerarekin
jarraitzeko sarrerak lortzen dira.
Enpresa txikiak patentatze prozesu biziago bat dute orokorrean eta start up-en
oinarrizko aktiboa da. Mundu mailan AEBak dira patente gehien dituena, farmazia
sektore bereziki. Europan, Finlandia, Dinamarka, Holanda eta Irlanda bezalako
herrialdeak dute pisu erlatiborik altuena, bioteknologian espezializazio maila altuago bat
erakutsiaz. Europako herrialde askok AEBetan garatzen dituzte asmakuntzak eta
alderantzizko prozesua, aldiz, apenas ematen da.
Patenteak berrikuntzarako pizgarriak dira baina aldi berean balazta efektua izan
dezakete, duten kostuak bultzatuta batez ere. Herrialdeen patente prozesuen artean
dauden ezberdintasunak direla eta, abantaila konpetitibo bihurtu daitezke sistema
malguagoak dituzten herrialdeentzat. Horrela sistema amerikar eta japoniarraren aldean
Europak desabantaila batzuk ditu:
• Eskaera eta mantenu koste oso altua: 4 aldiz garestiagoa.
• Tramitatze epe luzeagoa: 4 aldiz.
• Atomizazio maila altua: patente bera hainbat jurisdikzio nazionaletara
moldatu behar du.
• Europa mailako auzitegi baten falta, kontraesaten diren sententziak
existitzen direlako.
Honek denak laguntzen du AEB bioteknologia patenteen dominatzaile izatea,
modu zehar baten berrikuntzarako ahalmena ematen dio eta. Patenteen aipuak
berrikuntzaren eragina azaltzen du, askotan aipatzen diren patenteak funtsezko
asmakuntzak izan ohi dira eta. Kasu honetan ere AEBak aurretik aurkitzen dira.
Horregatik Europa mailan patentatze politiken bateratzea ezinbestekoa da. 2002.
urterako 5 herrialdeek soilik egin zuten transposizioa bioteknologia asmakuntzen babes
legalari buruz, Espainia barne. Patente komunitarioaren erregulazioarekin patente
bakarrak batasun osoan izango du estaldura.
Bioteknologia enpresak sortzeko eragile erabakigarriak Euskal Autonomia Erkidegoan