Enpresa bioteknologikoak sortzeko eragile erabakigarriak ... - Euskara

4. Kapitulua: EAEko biozientzia enpresen sorrera XXI. mendean 236
aurkitzen baitzen. Beraz, enpresa iniziatibak dibertsifikatzeko eta industri ehunaren
berrikuntza aurrera eramateko helburuekin sortu zen.
EAEko beste EBZekin alderatuz gero, ekimena Bizkaiako Foru Aldundiarena
izan zen. EAEn sortu ziren gaiontzeko EBZak Eusko Jaurlaritzaren ekimenarekin sortu
ziren eta ez Foru Aldundien ekimenagatik. Gaur egungo bazkideak ondorengoak dira:
Bizkaiako Foru Aldundia, BBK, BBVA, Euskadiko Kutxa, BSCH, Iberdrola, Idom,
AHV, Sener, Petronor, EHU, Avic eta Cebek. Beraz, erakunde publikoez gain hainbat
enpresa, banku eta kutxa dira BEAZen akziodunak.
Formakuntzari dagokionez, kurtsoak hiru arlotan banatzen dira: hasierako
prestakuntza, orientazioa behar duten ekintzaile potentzialentzako, oinarrizko
prestakuntza enpresa kudeaketa beharrak dituzten ekintzaileentzako eta berariazko
prestakuntza edozein momentuan jaso dezaketeenentzako (marketing, finantzak,
planifikazioa, nazioartekotzea, etabar).
Duela gutxi izan da BEAZen 20. urteurrena eta bertan bildu ziren Bai & By,
EB-Rin eta Inkoa Taldea bezalako enpresak. Ibilbide guztian zehar 1036 enpresa sortu
dira BEAZen laguntzarekin, horietako 820 bizirik daude gaur egun. Horrela, arrakasta
tasa %80ekoa da ere EBZ honetan.
Ekintzaileak eta sortzen dituzten enpresak kokatzeko lau inkubatzaile ditu eta
biozientzien alorrarekin zerikusia duen Biokabi ikubatzailean oinarrituko da batez ere
azterketa:
a) Beaz Mintegia Sondika: BEAZen misioaren elementu osagarri bezala sortu zen
1990. urtean, leku beharrak eta enpresa arriskua murrizteko helburuarekin. Industri eta
zerbitzu enpresak kokatzeko hamar mila metro karratu baino gehiago dituen sei eraikin
barneratzen ditu, 96 modulutan banatuak.
Biozientzia enpresa sorketa kontuan hartuz gero, Pharmadatum (2002) eta
Hiperion Biotec (2003) enpresen garapenak izan dira emaitza esanguratsuenak.
Pharmadatum datu analisian, populazioen ereduak egitean, bioekibalentziak sortzean
oinarritutako enpresa bat da eta Hiperion Biotec, zerbitzu enpresa bat da,
bioteknologikoan eta giza osasunean espezializatutako kontsultoria.
b) Unibertsitateko enpresa mintegia: Portugaleten sortu zen 1999. urtean eta bi
arlotan jarduten du bereziki: Unibertsitate mailako kultura ekintzailearen hedepanean,
eta enpresa bihurtu daitezkeen proiektuak bultzatzean (autoenplegua eta unibertsitateko
Bioteknologia enpresak sortzeko eragile erabakigarriak Euskal Autonomia Erkidegoan