Enpresa bioteknologikoak sortzeko eragile erabakigarriak ... - Euskara

3. Kapitulua: Bioteknologia industriaren nazioarteko egoera 184
Unibertsitate, ospitale eta zentro publikoetan jarduten duen I+G
bioteknologikoko pertsonalaren kopurua 8925 pertsonetakoa zen 2005. urtean 64 .
Kontuan hartuz I+G bioteknologikoko ikertzaileen kopuru totala 12000 pertsona
ingurukoa dela, ikertzaile publikoen portzentajea %75 da estatu espainiarrean, beraz,
ikerketa zentro publikoen garrantzia azpimarratzekoa da.
Estatu mailako eta nazioarteko patenteen eskaera eta onarpena ezagutza
zientifikoaren transferentzia produktu eta aplikazio berrietara neurtzeko adierazle
esanguratsuenak dira. Nahiz eta hazkuntza egon den, batez ere nazioarteko patenteen
eskaeran, patenteen eskaerari dagokion adierazlea baxua da orokorrean. Bioteknologian
sortutako ikerketa emaitzen babes industriala eskasa da batez ere zentro publikoetako
ikertzaileek izen oneko nazioarteko aldizkarietan publikatzea dutelako helburu nagusi
eta ez patenteak sortzea. Produktuen garapenera zuzenduta dauden bioteknologia
enpresen kopurua handia ez denez, eragin zuzena du patente berrien eskaeran, enpresa
gehienek zerbitzu, banaketa eta merkaturatzean zentratzen diztuztelako jarduerak.
Estatu mailan patente eta marken bulegoan (OEPM 65 ) egin behar dira eskaerak
eta 2000-2006 aldian urteko 102 patente eskaeren media egon da. Nazioartean aldiz
europako patenteen bulegoan (EPO 66 ) aurki ditzazkegu eskatutako eta onartutako
patenteak. ELGEren bioteknologia definizioa jarraituz, eskatutako patenteen %0,62 eta
onartutako patenteen %0,37 estatu espainiarretik egin da. EPOn egindako patente
eskaera eta onarpenak zenbaki absolutuetan igo diren arren, EB-15 herrialdeekiko
posizioa mantendu edo ahuldu egin da, beste herrialdeetan asko hazi baita adierazle hau.
Teknologiaren transferentzia gauzatu ahal izateko ezinbesteko da patenteen
bitartez produktu eta aplikazioen gaineko lizentzia komertzialen ustiapena. Batazbeste
62 estatuko eta nazioarteko patente eskaera lizentziatu dira zentro publikoetatik 67 estatu
mailan 2000-2006 aldiari dagokionez eta urteko 2,5 milioi eurotako itzulkinak sortu
dituzte, zifra baxua da azken hau nahiz eta hurrengo urteetarako prebisioak positiboak
diren, lizentzia kontratuetatik sortzen diren ordainketak gauzatu ezkero.
64 Estadistika institutu nazionalaren (INE) arabarera.
65 Oficina Española de Patentes y Marcas (OEPM) Turismo eta Merkataritza Ministerioko organismo
autonomoa da eta jabego industrialari babes juridikoa emateko helburua du patente, marka, diseinu eta
izen komertzialen bitartez.
66 European Patent Office (EPO) erakundearen eginbehar nagusia eskatutako patenteen azterketa egitea
da eta EBko kide diren ofizina nazionalen kontaktu estua du.
67 Unibertsitate, zentro eta ospitale publikoak.
Bioteknologia enpresak sortzeko eragile erabakigarriak Euskal Autonomia Erkidegoan