Enpresa bioteknologikoak sortzeko eragile erabakigarriak ... - Euskara

2. Kapitulua: Azterketa bibliografikoa 97
sistemak aldaketak edo gehikuntzak barneratuz hobeturiko produktuak dira.
Ehungintzan gaur egun erabiltzen den ehun transpiratzailea, aldiz, materile berriak
erabiliz egindako produktuaren hobekuntza esanguratsuaren adibide argi bat da.
Zerbitzuetan egindako produktu berrikuntzak zuzkidura edo horniketa eran
oinarritu ahal dira (efizientzia eta abiadura terminoetan bereziki), existitzen diren
zerbitzuei ezaugarri eta funtzio berriak erantsi ahal zaizkie edo guztiz berriak diren
zerbitzuak eskaini. Adibiderik nagusiena internet bidezko banku zerbitzuak jasan
dituzten aldaketak dira.
Diseinua produktu berrikuntzaren garapen eta inplementazioaren parte integrala
da. Hala ere, diseinu aldaketak ez badu produktuaren ezaugarri eta erabilpenetan
aldaketa esanguratsua suposatzen, ez da produktu berrikuntza kontsideratzen.
2.6.1.2 Prozesu berrikuntza
Prozesu berrikuntza produkzio edo banaketa metodo berri edo hobekuntza
esanguratsu baten inplementazioa da. Teknika, ekipamendu edota software ataletan
eginiko aldaketa sakonak hartzen ditu bere barne (OECD 2005-2). Banaketa eta
produkzio kosteak murriztera, kalitatea hobetzera edo produktu berriak banatzera
bideraturik egoten dira berrikuntza hauek.
Ekoizpen metodoak ondasun eta zerbitzuen ekoizpenean erabiltzen diren
teknika, ekipamendu eta softwarea hartzen ditu bere gain. Ekoizpen-kateen
automatizazioa edo produktu garapenerako diseinua ordanagailu bitartez egiten denean,
produkzio metodo berrien adibide bezala erabili daitezke.
Banaketa metodoak enpresa bateko logistikari lotutako ekipamendu, software eta
teknikak dira, input-ak bereganatzeko, enpresa barnean horniketak antolatzeko edo
produktu bukatua banatzeko.
Zerbitzuak eskaintzera bideratuta dauden enpresak ere gauzatu dezakete prozesu
berrikuntza. Zerbitzuak eskaintzerako orduan erabilltzen diren prozedura, ekipamendu
eta softwarean aldaketa esanguratsuak eginez gero. Adibide argienak kasu honetan GPS
nabigazio sistemaren erabilpena garraio enpresetan, bidai agentzien erreserba sistema
berria eta proiektuak kudeatzeko kontsultoria enpresetan garaturiko teknika berriak dira.
42 Global Posotioning System (GPS), posionatze globaleko sistema, satelite bidezko nabigazio globaleko
sistema da berez eta objektu edo pertsona baten kokalekua zehaztu dezake zentrimetro edo metro gutxiko
errorearkin. Frantzia eta Belgikako geobernuen asmakizuna den arren, AEBetako Defentsa Sailak garatu
eta instalatu zuen, eta bertatik operatzen da.
Bioteknologia enpresak sortzeko eragile erabakigarriak Euskal Autonomia Erkidegoan